Atbasardan 215 myńnan astam tekshe metr qar syrtqa shyǵaryldy (FOTO)
KÓKShETAÝ. QazAqparat - Atbasar qalasynan 215 myńnan astam tekshe metr qar syrtqa shyǵaryldy. Bul týraly qala ákimi Nurjan Qambatyrov málim etti.
Onyń aıtýynsha qańtar aıynyń basynan bastap, qar tazalaý jumystaryna 25 kommýnaldyq kólik tartyldy.
«Qazirgi kezde Ýálıhanov, Qurmanov, Qýanyshev, Qazaqstandyq, Belash, Vedeneeva, Seıfýllın, Jeńis, Radıojeli, Áýezov, Chkalov, Ámirov, Mámetova, Maıkótov, Batyr, Núrseıitov, Matrosov kósheleri qardan tazartyldy. Sonymen qatar, Jabaı ózeni mańyna uzyndyǵy 600 metr jerge ınertti materıaldar tóselip, bógetter nyǵaıtyldy», dedi qala ákimi.
Jalpy, kóktemgi sý tasqynyn aldyn alý maqsatynda aýdandyq bıýdjetten 40 mıllıon teńge bólindi. Onyń 15 mıllıon teńgesi qar tazalaýǵa, 10 mıllıon teńgesi sý ańǵarlaryn tazartýǵa baǵyttalyp otyr. 
