Atbasardaǵy sýdyń deńgeıi tómendeıdi - vıtse-mınıstr Ilın
ASTANA. QazAqparat - Bir aptanyń ishinde Jabaı ózenindegi sýdyń deńgeıi tómendeıdi degen boljam bar, dep xabarlaıdy QazAqparat tilshisi.
QR Іshki ister vıtse-mınıstri ıÝrıı Ilınniń aıtýynsha, buǵan deıin Atbasarǵa jaqyn Jabaı ózeninde sýdyń eń qatty tasýy úsh jyl buryn bolǵan. Sol kezde sekýndyna 4,25 tekshe metr sý ótken. Bıyl atalǵan kórsetkish sekýndyna 5,60 tekshe metrge jetken. "Sonyń saldarynan demalys kúnderi Atbasar mańyndaǵy sý toǵany buzyldy. Sý jaıylyp, 200 úıge kirgen. Mektep te sýdyń astynda qaldy. Ol jerde sabaq toqtatyldy. Negizi, sý tasqynyń basty sebebi - qardyń jyldam erýi. Sonyń sýy Jabaı ózenine quıylyp, Atbasar kentine jaıyldy. Aldaǵy 5-7 kúnde ózendegi sýdyń deńgeıi tómendeıdi degen boljam bar", - dedi Ilın búgin Astanada ótken baspasóz máslıxatynda.
