Atbasardaǵy sý tasqynyna baılanysty qylmystyq is qozǵalady
ASTANA. QazAqparat - QR Іshki ister mınıstri Qalmuxambet Qasymov Aqmola oblysy Atbasar kentindegi sý toǵanynyń buzylýyna baılanysty qylmystyq is qozǵaýdy tapsyrdy, dep xabarlaıdy QazAqparat tilshisi.
Vıtse-mınıstr ıÝrıı Ilınniń aıtýynsha, sý toǵany ótken jyly salynǵan. Onyń bıiktigi - shamamen 7 metr. Ony betonnan jasaǵan joq. Qumdy tógip, taptap qoıǵan. Atalǵan nysan bıylǵy sý tasqynyna tótep bere almaı, ótken demalys kúnderi buzyldy. "Dambanyń qurylysy ótken jyly qarasha aıynda aıaqtalǵan bolatyn. Endi, mınıstrdiń tapsyrmasy boıynsha qylmystyq is qozǵalady. Sol kezde jobalaý uıymdary da, merdigerler de jaýapqa tartylatyn bolady. Aldymen ol nysan tıisti talaptarǵa saı salyndy ma, joq pa, osy jaǵy tekseriledi. Buryn sý toǵany bolmaǵanda, ózen sýy jaǵadan asyp, Atbasarǵa jaıylyp ketetin. Byltyr Aqmola oblysy ákiminiń sheshimimen atalǵan sý toǵany salynǵan edi. Jańylmasam, oǵan jergilikti bıýdjetten shamamen 200 mıllıon teńge bólingen edi. Toǵannyń uzyndyǵy 15 shaqyrym. Qurylys kezinde qumdy tógip, taptatyp otyrǵan. Atbasar jaqta birneshe shlıýzi de bar. Alaıda bıyl ony sý shaıyp ketti" , - dedi Ilın búgin Astanada ótken baspasóz máslıxatynda. Al jýrnalıstiń "Demek, ol memlekettik balansta tur. Sonda ákim jaýap bere me?" degen suraǵyna vıtse-mınıstr: "Iá", - dep qysqa ǵana jaýap berdi.
Aıta keteıik, búgingi baspasóz máslıxatynda vıtse-mınıstr bir aptanyń ishinde Jabaı ózenindegi sýdyń deńgeıi tómendeıtinin jetkizdi.
