Atbasardaǵy jol apaty: zardap shekkenderdiń jaǵdaıy belgili boldy

KÓKShETAÝ. KAZINFORM – Aqmola oblysynyń densaýlyq saqtaý basqarmasy Atbasarda jol apatynan zardap shekkenderdiń qazirgi jaǵdaıy týraly aqparat berdi.

Apat saldarynan jaraqat alǵan tórt adam Atbasar kópbeıindi aýdanaralyq aýrýhanasynyń qabyldaý bólimine jetkizilgen.

Málimetke sáıkes:

• 49 jastaǵy áıel bas-mı jaraqatyn jáne bel tusynan soqqy alǵan. Ortasha aýyr halde aýrýhanaǵa túsip, travmatologııa bólimine jatqyzyldy.
• Jasóspirim basy men jambas tusynyń aýyrsynýyna shaǵymdanyp, travmatologııa bólimine qabyldanyp, sımptomatıkalyq em alyp jatyr.
• 61 jastaǵy áıeldiń jaǵdaıy nasharlap, jansaqtaý bólimine aýystyryldy. Oǵan oblystyq neırohırýrgter qashyqtan keńes berip, baqylaý men emdeý boıynsha usynystar berildi.
• 2018 jyly týǵan bala basynyń jelke tusynan jaraqat alǵan. Qabyldaý bóliminde jaǵdaıy nasharlaǵan soń, shuǵyl túrde jansaqtaý bólimine jatqyzyldy. Oblystyq balalar neırohırýrgterimen keńes júrgizilip, emdeý taktıkasy bekitildi.

Qazirgi tańda balanyń jaǵdaıy turaqty, ortasha aýyrlyqta, ol sanavıatsııa arqyly Kókshetaý qalasyndaǵy oblystyq balalar aýrýhanasyna aýystyrylmaq.

Eske salaıyq, buǵan deıin Atbasar qalasynda Mercedes kóligi tórt jaıaý júrginshini qaǵyp ketkeni habarlanǵan bolatyn.