Atbasarda joǵalyp ketken sábı tabyldy
KÓKShETAÝ. QazAqparat - Atbasarda anasynan adasyp qalǵan 1,5 jastan asqan bala tabyldy, dep habarlaıdy QazAqparat tilshisi Aqmola oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, tamyzdyń 29-da keshki saǵat 21:30 Atbasar aýdandyq polıtsııanyń kezekshilik bólimine jergilikti turǵyn habarlasyp, saǵat 20:00 shamasynda saıajaıda jasy 1 jyl 9 aı bolǵan balasynyń joǵalǵanyn aıtqan.
Anasynyń sózinshe, ata-anasy bir jarym saǵat boıy balany ózderi izdegen. Alaıda, odan esh nátıje shyqpaǵan soń polıtsııanyń kómegine júgingen.
«Tártip saqshylary birden balany izdeýge kiristi. Buǵan tótenshe jaǵdaılar qyzmetkerleri, volonterler jáne qoǵam ókilderi jumyldyryldy. Nátıjesinde araǵa bir saǵat salyp, polıtsııa kapıtany Medet Isabekov pen polıtsııa maıory Jaslan Smaǵulov adasqan balany jol boıynan taýyp, ata-anasyna tapsyrdy. Ata-anasy balasyn izdeýge kómektesken polıtsııa qyzmetkerleri men qutqarshylarǵa, volonterleri men qoǵam ókilderine alǵysyn bildirdi», - deıdi vedomstvodan.
