Atbasarda jańa temirjol vokzaly ashyldy
ASTANA. KAZINFORM — Aqmola oblysynyń Atbasar qalasynda jolaýshylarǵa jańa temirjol vokzaly paıdalanýǵa berildi.
Jańa vokzal Memleket basshysynyń tapsyrmasymen eski temirjol vokzaldaryn jańǵyrtý baǵdarlamasy aıasynda salyndy.
1956 jyly salynǵan burynǵy vokzal ǵımaratynyń aýdany 653 sharshy metr bolǵan. Apatty jaǵdaıǵa jetken nysan tolyqtaı buzylyp, ornyna jertóle qabatymen birge jalpy aýdany 823 sharshy metr bolatyn jańa ǵımarat salyndy.
Sonymen birge, vokzal men platformalardyń aınalasyndaǵy 6481 sharshy metr aýmaq abattandyryldy. Jaǵalaý platformasynyń uzyndyǵy 387 metr bolsa, araldyq platformanyń uzyndyǵy — 384 metr. Eki aýmaq ta brýschatkamen qaptalǵan.
— Atbasar vokzaly Aqmola oblysyndaǵy baǵdarlamamyz aıasynda iske asyrylǵan sońǵy nysan boldy. Komandamyz vokzaldy belgilengen merzimde ashý úshin barlyq jumysty tyǵyz keste boıynsha atqardy. Ár nysan jolaýshylarǵa jaıly jaǵdaı jasaý jáne olardyń qaýipsizdigin qamtamasyz etýge qoıylatyn zamanaýı talaptardy eskere otyryp salyndy, — dedi merdiger qurylys kompanııasynyń basshysy Madııar Sattybaev.
Jańa vokzalda jolaýshylarǵa, onyń ishinde balaly jolaýshylarǵa arnalǵan jaǵdaılar qarastyrylǵan. Atap aıtqanda, ana men bala bólmesi, balalar oıyn aımaǵy jáne alǵashqy medıtsınalyq kómek kórsetý bólmesi bar. Sondaı-aq kirip-shyǵýdy baqylaý júıesi ornatylǵan.
Erekshe qajettilikteri bar jolaýshylar úshin de tıisti jaǵdaı jasalǵan. Olarǵa arnalǵan sanıtarlyq bólme, Braıl qarpimen ázirlengen jol siltegish shema, taktıldi plıtkalar men dybys kúsheıtkish júıe ornatyldy.
Ashylý saltanatyna Aqmola oblysynyń ákimi Marat Ahmetjanov, Kólik mınıstrligi Temirjol jáne sý kóligi komıtetiniń tóraǵasy Nurjan Kelbýǵanov, QTJ Ulttyq kompanııasy Aqmola magıstraldy jeli bólimshesi fılıalynyń basshysy Dáýren Qabas qatysty.
— Atbasar vokzaly Aqmola oblysyndaǵy baǵdarlamamyz aıasynda iske asyrylǵan sońǵy vokzal boldy. Komandamyz vokzaldy belgilengen merzimde ashý úshin barlyq jumysty tyǵyz keste boıynsha atqardy. Ár nysan jolaýshylarǵa jaıly jaǵdaı jasaý jáne olardyń qaýipsizdigin qamtamasyz etýge qoıylatyn zamanaýı talaptardy eskere otyryp salyndy, — dedi kompanııanyń bas dırektory Madııar Sattybaev.
Jolaýshylar úshin balaly tranzıt jolaýshylaryna arnalǵan bólme, balalar oıyn aımaǵy, alǵashqy medıtsınalyq kómek bólmesi jáne kirý shyǵýdy baqylaý júıesi jasaldy. Erekshe qajettilikteri bar jandarǵa arnalǵan sanıtarlyq bólme, Braıl shrıftindegi jol siltegish shema, taktıldi plıtka jáne dybys kúsheıtkish júıe qarastyrylǵan.
Aıta keteıik, Qazaqstanda 124 temirjol vokzaly jańǵyrtylyp jatyr. Kólik mınıstrliginiń málimetinshe, jumys tek ǵımarattardyń syrty men ishin jóndeýmen shektelmeıdi. Jańǵyrtý kezinde vokzaldar jolaýshylarǵa qaýipsiz ári yńǵaıly bolatyndaı etip jańartylady.
Buǵan deıin Kólik vıtse-mınıstri Jánibek Taıjanov Astana vokzaldaryndaǵy jóndeý jumystarynyń qashan aıaqtalatynyn aıtyp berdi.
