Atbasarda Jabaı ózeniniń sýy arnasynan asaıyn dep tur - Aqmola oblysy
KÓKShETAÝ. QazAqparat - Atbasarda Jabaı ózeniniń sýy arnasynan asyp tasýy múmkin. Bul týraly Aqmola oblysy boıynsha TJD arnaıy 112 telefon nómiri arqyly eskertý sms-habarlama taratty, dep habarlaıdy "QazAqparat" HAA tilshisi.
TJD qyzmetkeri Dýman Dəleshovtiń aıtýyna qaraǵanda, dəl qazir Atbasar qalasy arqyly aǵyp ótetin Jabaı ózeni sýynyń deńgeıi qaterli shegine jetken.
"Qazirgi kezde sý tasqynynan Atbasar qalasyna úlken qaýip tónip tur. Sol sebepti tótenshe jaǵdaılar departamenti, jergilikti atqarýshy organdar jəne jergilikti polıtsııa qyzmetiniń qyzmetkerleri kezekshilik etýde. Saǵat saıyn sýdyń deńgeıine monıtorıng júrgizilýde. Sý basý qaýpi bar Atbasardaǵy JBK shaǵynaýdanynyń turǵyndaryna qater týraly eskertilip, qajet bolǵan jaǵdaıda qaýipsiz jerge kóshiriletini túsindirildi. Ol úshin arnaıy oryndar da əzirlengen. Kómekke qosymsha qutqarýshylar men 10-ǵa jýyq tehnıka jiberildi", - dep túsindirdi D.Dəleshov.
Eske sala keteıik, osydan birer kún buryn «Kókshetaý - Atbasar» tas jolynyń 165 shaqyrymynda tereńdigi 20 santımetr, eni 5 metr qar sýy tasyǵan bolatyn. Sýdyń aǵysyn buryp, kólik qozǵalysyn qalpyna keltirý úshin 20 tonna ınertti materıaldardy tóseldi. Qazirgi kezde kólik qozǵalysy qalpyna keltirilip otyr.
Sonymen qatar, oblystyń sý tasqynynyń qaýpi zor ózge aýdandarynda da aldyn alý jumystary júrgizilýde. Sońǵy məlimetterge qaraǵanda Kókshetaý qalasyndaǵy Qylshaqty, Zerendi aýdanyndaǵy Shaǵalaly ózenderi sabasyna túse bastaǵan. Tselınograd aýdanynda Nur ózeninen keletin qaýip saqtalýda.
