Atbasarda zańsyz uıymdastyrylǵan oıyn bıznesi əshkerelendi
KÓKShETAÝ. QazAqparat - Aqmola oblysynyń Atbasar qalasynda zańsyz uıymdastyrylǵan oıyn bıznesi əshkerelendi, dep habarlaıdy "QazAqparat" HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha, ІІD Uıymdasqan qylmyspen kúres basqarmasy men Atbasar aýdandyq ІІB qyzmetkerleri birlesip júrgizgen jedel izdestirý sharasy barysynda aýdan ortalyǵyndaǵy sən salondarynyń birinde zańsyz uıymdastyrylǵan oıyn bıznesi anyqtalyp, 8 oıyn avtomaty tərkilendi. Sondaı-aq, uıymdastyrýshy úsh adam, ıaǵnı, 19 jastaǵy kassır, 21 jastaǵy kúzetshi men 26 jastaǵy Esil qalasynyń turǵyny ustaldy.
"Qazirgi kezde osyǵan baılanysty QR QK 307 babynyń 1 bólimi boıynsha sotqa deıingi tergeý amaldary júrgizilýde", dep kórsetilgen habarlamada.
