Atbasarda úı sharýashylyǵyn ózin ózi basqarý jobasy júzege asyryldy
Vedomstvonyń deregi boıynsha, ótken jyldyń kúzinde Atbasar qalasyndaǵy «Angel» qoǵamdyq birlestigi Aqmola oblysynda teńdesiz jobany júzege asyrý úshin BUU DB halyqaralyq uıymynan grant alǵan. Osy joba sheńberinde PIK (páter ıeleri kooperatıvi) joq kóppáterli turǵyn úıdi basqarý úlgisi ázirlenipti. Kúrdeli jóndeý jumystaryn júrgizýde osy úı turǵyndarynyń ózderi basshylyq jasaǵan. Jobalyq alań retinde Maıkýtov kóshesi 2, mekenjaıy boıynsha ornalasqan bes qabatty turǵyn úı tańdap alynǵan.
Atalmysh jumystar messendjerde top qurý, jalpy jınalysta turǵyn úı men basqarýshy uıym retinde «Angel» qoǵamdyq birlestiginiń aktıvi bekitildi. Atqarylatyn jumystardyń túrleri anyqtalyp, qyzmet jáne taýarlardy jetkizip berýshilerge baıqaý jarııalandy, baǵa boıynsha usynystary jınastyryldy. «Angel» qoǵamdyq birlestiginde taýar jetkizip berýshilerge tapsyrystar ázirlenip, olar atalmysh birlestiktiń keńesinde talqylandy. Osydan keıin ǵana BUU DB granty esebinen aqsha tólendi. Atqarylǵan jumystar men jobaǵa baılanysty «Angel» qoǵamdyq birlestiginiń keńesi jáne turǵyn úı aktıvi tarapynan jıi monıtorıng júrgizilip turdy.
«Qazirgi kezde, atalmysh úıdiń turǵyndary birlesip, aqyldasa atqarylǵyn jumystardyń nátıjesin kórip otyr. Joba arqyly turǵyn úıdiń syrtqy kelbeti jańaryp, qabyrǵalary tegisteldi, sondaı-aq, tesikter bitelip, balkondary men kire berisi syrlandy. Podezderge plastıkalyq terezeler men elektr energııasyn únemdegish shamdar ornatyldy jáne ólsheýshish aspaptar kórinetin jerge shyǵaryldy. Sonymen qatar, turǵyn úı mańyndaǵy fýtbol jáne balalardyń oıyn alańdary, otyratyn oryndyqtar jóndeldi. Nátıjesinde atalmysh turǵyn úı qala boıynsha abbattandyrylǵan turǵyn úıler baıqaýynda «Eń úzdik kópqabatty turǵyn úı» atalymyna laıyq dep tanyldy. Buǵan qala ákimi syı retinde ústimizdegi jyldyń kókteminde úı aýlasyna jattyǵý keshenin ornatýdy josparlap otyr. Sonymen birge, qosymsha oryndyqtar satyp alý, karýsel ornatý jáne qum tóseý sııaqty jumystar odan ári jalǵasyn tabatyn bolady», deıdi «Angel» qoǵamdyq birlestiginiń tóraıymy Lıýdmıla Petrova.
