Atbasarda turǵyn úıde bolǵan órtten 2 adam kóz jumdy
KÓKShETAÝ. QazAqparat - Aqmola oblysynyń Atbasar qalasynda jekemenshik turǵyn úıde bolǵan órtten 2 adam kóz jumdy, dep habarlaıdy QazAqparat tilshisi.
Aqmola oblystyq TJD qyzmetkeri Dýman Dəleshovtiń aıtýyna qaraǵanda, órt 16 aqpan kúni keshki ýaqyt 22:30-der shamasynda Atbasar qalasynda bolǵan.
«Tilsiz jaýdy aýyzdyqtaý kezinde 1965 jylǵy er adam men 1994 jylǵy əıeldiń máıiti tabyldy. Qazirgi kezde, oqıǵanyń sebep-saldary anyqtalýda. Aldyn ala derekter boıynsha ot tósekte temeki tartýdyń saldarynan tutanǵan», dep túsindirdi Dýman Dəleshov.
Eske sala keteıik, osyǵan deıin habarlaǵanymyzdaı, ótken aptada Aqmola oblysynda órtten 7 adam kóz jumǵan bolatyn. Atbasardaǵy oqıǵanyń saldarynan bul kórsetkishke taǵy eki adam qosylyp otyr.
