Atbasarda taýarlary tegin beriletin dúken ashyldy

KÓKShETAÝ. QazAqparat-Aqmola oblysynda «Rahmet úshin» qaıyrymdylyq dúkeni ashyldy, dep habarlaıdy «QazAqparat» HAA tilshisi óńirlik kommýnıkatsııalar qyzmetine silteme jasap.  

Bul joly qaıyrymdylyq dúkeni Atbasar qalasynda ashylyp otyr.

«Dobrıakı» klýbynyń qatysýshysy Kəmıla Omarovanyń aıtýynsha, kez-kelgen adam dúkenge kıilgen eski kıim-keshek, tósek jabdyqtary, oıynshyq jáne turmystyq tehnıkalar men jıhazdardy tegin tapsyra alady.  Mundaǵy basty qaǵıda tapsyrylǵan zattar jýylǵan, taza bolýy tıis.

Qaırymdylyq dúkeninen əleýmettik jaǵynan az qamtylǵan otbasylar, muqtaj jandar kelip ózderine qajetti zattar tegin ala alady.

Eske sala keteıik, osyndaı dúkender buǵan deıin Kókshetaý, Stepnogorsk qalalary jəne Eńbekshilder aýdanynda ashylǵan.