Atbasarda taǵy 123 adam evakýatsııalandy
KÓKShETAÝ. KAZINFORM - Atbasar aýdanyndaǵy sý tasqynyna qarsy jumystar jalǵasyp jatyr. Sońǵy bir táýliktiń ishinde 123 adam evakýatsııalandy, onyń 11-i zeınetker jáne 29-y bala.
Aqmola oblysy TJD baspasóz qyzmetiniń málimetinshe, Atbasar qalasynda Jabaı ózeni qaýipti deńgeıden (4,45 m) asyp, 4,50 metrdi qurady. Qazirgi kezde topyraqtan turǵyzylǵan bógetter nyǵaıtylyp jatyr.
«Buǵan deıin turǵyndarǵa sý tasqyny bolýy múmkin jerlerden evakýatsııalaý qajettigi týraly eki ret habarlandy. Sońǵy bir táýliktiń ishinde 123 adam evakýatsııalandy, onyń 11 zeınetker jáne 29 bala. Olardyń barlyǵy týystarynyń úıine ornalastyryldy», - dedi vedomstvodan.
Vedomstvodan atap ótkendeı, sý tasqynyna qarsy jumystarǵa Aqmola, Jambyl oblystarynyń TJD qutqarýshylary, M.Ǵabdýllın atyndaǵy Azamattyq qorǵaý akademııasynyń kýrsanttary, Ulttyq ulannyń áskerı qyzmetshileri jáne eriktilerden quralǵan barlyǵy 133 adam, 38 birlik tehnıka jáne 10 motopompa jumyldyrylǵan. Táýligine 72 960 tekshe metr sý sorylyp, 1 myń qap ázirlendi jáne ınertti materıal salynǵan 2 myń qap tóseldi.
Aıta ketsek, budan buryn Atbasarda 150-den astam adam evakýatsııalanǵanyn jazǵan edik.
