Atbasarda sý tasqynynan zardap shekkendermen psıhologtar jumys istep jatyr
ASTANA. QazAqparat - Tótenshe jaǵdaılar komıtetindegiler sý tasqynynan zardap shekken Atbasar turǵyndarynyń osy ýaqytqa deıin qandaı medıtsınalyq kómek alyp kelgenderin aıtty, dep habarlaıdy QazAqparat.
QR Іshki ister mınıstrligi Tótenshe jaǵdaılar komıtetiniń Atbasarda sý tasqynynan zardap shekkenderge medıtsınalyq kómek kórsetip kelgen ókilderi qyzmet oryndaryna qaıta oraldy.
Tótenshe jaǵdaılardyń aldyn alý jumystary bastalǵan kezden beri medıkter densaýlyq jaǵdaıyna shaǵymdanǵan 57 adamǵa kómek kórsetken. Psıhologtar 66 turǵynǵa jedel psıhologııalyq qyzmet kórsetken. Olardyń arasynda 17 balaǵa 5 psıhologııalyq konsýltatsııa bergen. Sý tasqynyna baılanysty jaǵdaı boıynsha respýblıkanyń birneshe oblysynda QR ІІM Tótenshe jaǵdaılar komıtetiniń ókilderi turǵyndarǵa psıhologııalyq qyzmet kórsetý men aqparattyq túsindirý jumystaryn júrgizýge baǵyttalǵan «jedel jeli» qyzmetin iske qosty.
Qaraǵanda, Aqtóbe oblystarynyń Apat medıtsınasy ortalyǵy fılıaldarynyń psıhologtary «jedel jeli» boıynsha, 177 qońyraý qabyldap, kómek suraǵan azamattarǵa aqparattyq jáne psıhologııalyq qyzmetterdi kórsetken.
