Atbasarda páter kezegin kútken turǵyndar baspanaly boldy
KÓKShETAÝ. QazAqparat tilshisi - QR Tuńǵysh Prezıdent kúni qarsańynda Atbasar qalasynda bir top turǵynǵa jańa páterdiń kilti tapsyryldy, dep habarlaıdy QazAqparat tilshisi.
Memlekettik baǵdarlama sheńberinde salynǵan úıden páter alǵandar qatarynda ata-ana qamqorlyǵynsyz óskender men áleýmettik jaǵynan áljýaz toptarǵa jatatyn otbasylar, bıýdjettik mekeme qyzmetkerleri bar.
Atbasar aýdany ákiminiń mindetin atqarýshy Birlik Qambatyrov pen aýdandyq máslıhattyń hatshysy Baǵdat Boranbaev jańa páterdiń kiltin saltanatty jaǵdaıda tabys etti. Baspanaly bolǵandardyń qatarynda Kúlánda Qarajigitova, Kúnnaz Omarova, Oksana Slıpenko, Lázzat Baıdasheva, Dmıtrıı Saharov, Aqjol Ábdýahıtov, Talǵat Sekerov, Ábilhaıyr Sherimbekov jáne Maıra Shúkekova bar.
Mereke qarsańynda jańa úıden páter alyp, qýanyshqa kenelgen Maıra Shúkekova 12 jyldan beri kezekte turǵan.
«Bıylǵy jyl men úshin qýanyshqa toly boldy, - deıdi M. Shaýkekova. - Kópten kútken nemeremi daryn dúınıege keldi. Endi mine, ákimniń qolynan páter alyp otyrmyn. Memleket basshysy óziniń Joldaýynda qazaqstandyqtardyń ál-aýaqtyn kóterý kerek dep tekten tek aıtqan joq. Búgin sonyń bizdiń óńirde de júzege asyp jatqanyn kórip otyrmyz».
45 páterli jańa úıdiń qurylysy bıyl kóktemde bastalyp, qarasha aıynyń 27-inde paıdalanýǵa berildi. Turǵyn úıde barlyǵy 45 páter, onyń 15-i bir bólmeli, 18-i eki bólmeli jáne 12-i úsh bólmeli.
