Atbasarda kóppəterli 6 turǵyn úı salynýda
KÓKShETAÝ. QazAqparat - Aqmola oblysynyń Atbasar qalasynda kóktemgi sý tasqynynan zardap shekkenderge arnalyp 45 pəterli 6 turǵyn úı salynýda. Búgin aımaq basshysy Məlik Myrzalın aýdanǵa jumys sapary barysynda atalmysh turǵyn úılerdiń qurylysymen tanysty. Bul týraly aımaq basshysynyń keńesshisi Marat Iǵalıev Feısbýktegi paraqshasynda jarııalady, dep habarlaıdy QazAqparat.
«Sapar barysynda aımaq basshysy Atbasar-Qıma tas joly men temirjoldyń boıyndaǵy kópirdiń astynan ótetin aǵyn sýdyń arnasyn keńeıtý, Atbasar qalasynda Jabaı ózenin boılaı topyraq úıý, 45 pəterli 6 turǵyn úıdiń qurylys jumystarymen tanysty. Sondaı-aq, jergilikti turǵyndarymen kezdesti.
Qurylys alańynda beınebaqylaý kameralary ornatylǵan. Osy arqyly alańy men ondaǵy qurylys jumystary baqylanyp otyrady.
Oǵan qosa, oblys ákiminiń orynbasary Vasılıı Krylov aptasyna bir ret Atbasar qalasynda bolyp, qurylys jumystarynyń barysyn qadaǵalap otyrady», - dep jazylǵan əkim keńesshisiniń paraqshasynda.
