Atbasarda kókpar men báıgeden jarys ótti

KÓKShETAÝ. QazAqparat - Atbasar aýdanynda kókpar jáne báıgeden jarys ótti, dep habarlaıdy QazAqparat tilshisi aýdan ákimdigine silteme jasap.

Ákimdiktiń málimeti boıynsha, Elbasynyń «Uly dalanyń jeti qyry» maqalasynda aıtylǵan atqa miný mádenıetin dáripteý maqsatynda Aqan Qurmanov aýylynda at sportynan jarystar uıymdastyryldy.

«Kókpar men báıgege ıAroslav, Novomarınovka jáne Aqan Qurmanov aýyldyq okrýgteriniń shabandozdary qatysty. Kókpar oıynynda «Altyn dán» (Rodıonovka) komandasyna teń keler eshkim bolmady.

Báıgede A.Saıfýllınniń aty birinshi keldi. Sondaı-aq, G.Anısımov, D.Aıashev, D.Vakýlın sııaqty birqatar shabandozdar jaqsy nátıje kórsetti», deıdi ákimdiktegiler.

Budan keıin jarysqa qatysýshylar Naýryz meıramyna arnalǵan keń aýqymdy at - sporttyq is-sharalarǵa daıyndalatyn bolady.