Atbasarda iri qus fabrıkasy salynady
ASTANA. QazAqparat - Bıyl Aqmola oblysynyń Atbasar aýdanynda 50 myń taýyqqa arnalǵan qus fabrıkasy salynady. Bul týraly atalǵan aýdan ákiminiń orynbasary Abaı Bekbaev QazAqparat tilshisine bergen suhbatynda málim etti.
«Taýyqtyń eti men jumyrtqasy naryqta suranysqa ıe. Qazirgi kúni fabrıka salynatyn jer, onyń qujattary men joba-jospary jasaldy. Nysannyń qurylysy osy jyldyń kóktemine qaraı bastalady», - dedi Abaı Bekbaev.
Onyń aıtýynsha, fabrıka qala shetindegi dıirmen keshenderiniń janynan salynady, onda alǵashynda 50 myń taýyq bolsa, keıin onyń sanyn 100 myńǵa deıin jetkizý josparda bar. Qus fabrıkasy jergilikti 30 adamdy jumyspen qamtıdy.
Eske salsaq, ótken jyly Aqmola oblysynda elimizdegi eń iri Makınsk qus fabrıkasy iske qosyldy. Oblys basshysy M.Myrzalın atap ótkendeı atalǵan qus fabrıkasy Qazaqstan ımportynyń 30% jabady.
