Atbasarda bógetterdi bekitý jumystary aıaqtaldy
ASTANA. QazAqparat - Atbasarda tasqyn sýdan qorǵaıtyn eki bóget bekitildi. Jergilikti turǵyndar men qutqarýshylar bógetti Jabaı ózeniniń jaǵasyna turǵyzdy, dep habarlaıdy 24.kz telearnasy.
Alaıda keshe keshke qyzyl sý bógetti jaryp ótip, qaladaǵy 13 úıge zaqym keltirdi. Qazir jaqyn mańdaǵy taǵy 20 úıge qaýip tónip tur. Sońǵy eki kúnde eldi mekennen 140 adam qaýipsiz aımaqqa kóshirilgen.
Aýdan ortalyǵynda táýlik boıy qutqarý qyzmeti jumys istep jatyr. Uzyndyǵy - 7, al bıiktigi 5 metr bolatyn bóget endi qalany tasqynnan saqtaıdy.
Qutqarý jumystaryna jergilikti turǵyndarmen qatar ishki ásker qurylymdarynyń sarbazdary da jumyldyrylǵan.
«Qazir biz qaptarǵa topyraq toltyryp, ýaqytsha bóget jasap, sý jaıylyp jatqan jerlerdi 7-8 metrge deıin bekitip jatyrmyz. Eki jerdegi bógetti qaıta jóndeýden ótkizdik», - deıdi respýblıkalyq jedel-qutqarý jasaǵynyń jetekshisi Vıtalıı Gorbachev.
Foto: newskaz.ru
