Atbasarda bóget salǵannan góri shaǵyn aýdan turǵyzǵan tıimdirek - ákim
KÓKShETAÝ. QazAqparat - Aqmola oblysynyń əkimi Məlik Myrzalın jumys saparymen Atbasar qalasynda bolyp, kóktemgi sý tasqynynyń zardaptaryn joıý sharalarymen tanysty, dep habarlaıdy QazAqparat tilshisi.
Əkimdiktiń baspasóz qyzmetiniń málimetine qaraǵanda, sapar barysynda aımaq basshysy «Atbasar-Qıma» tas jolynyń boıyndaǵy sý ótkizýi nysanyn nyǵaıtý boıynsha qurylys-montajdaý jəne №1 orta mekteptiń jóndeý jumystarymen tanysty.
Sonymen qatar, jańadan salynyp jatqan 45 pəterli turǵyn úı men qazandyqtyń qurylys alańynda boldy.
Odan ári aýdandyq máslıhattyń depýtattary, qoǵamdyq keńestiń músheleriniń qatysýymen tótenshe jaǵdaılardy eskertýde balamaly nusqasynyń tanystyrylymy ótti.
Osy rette, aýdan əkimi Amanbek Qaljanov atalǵan məsele boıynsha atbasarlyqtardyń pikirlerine nazar aýdarylǵandyǵyn atap ótti.
«Jaqynda qoǵamdyq tyńdaý ótip, onda Jabaı ózenin boılaı bóget turǵyzýdyń ornyna jaǵadaıdaǵy turǵyndardy jańa baspanaǵa kóshirý məselesi qaraldy», - dedi Amanbek Qaljanov óz sózinde.
Aýdan ákiminiń sózinshe, Atbasar qalasynda óndiristik bóget turǵyzý úshin respýblıkalyq bıýdjetten 9 mıllıard teńge qarjy jumsalady. Ony ustap turý úshin jyl saıyn taǵy 200-300 mıllıon teńge qarjyny qajet etedi. Al jańa shaǵyn aýdan turǵyzyp, oǵan qaýipti aýmaqtaǵy turǵyn úılerdegi otbasylardy kóshirý anaǵurlym arzanǵa túsedi. Oǵan qosa, únemdelgen qarjyǵa ózenniń túbin tazartyp, arnasyn keńeıtýge de múmkindik bermek.
Osy oraıda, aımaq basshysy Məlik Myrzalın óziniń orynbasary Vasılıı Krylov pen salalyq basqarmalardyń basshylaryna qysqa merzimniń ishinde atbasarlyqtardyń usynystaryn əleýmettik jəne ekonomıkalyq jaǵynan tıimdiligin zertteýdi tapsyrdy.
