Atbasarda 7 sý jiberý nysanynyń qurylysy júrgizilýde (FOTO)

KÓKShETAÝ. QazAqparat - Atbasarda quny 163 mıllon teńgeniń 7 sý jiberý nysanynyń qurylysy júrgizilýde. Búgin Aqmola oblysynyń ákimi Sergeı Kýlagın jumys saparymen Atbasar aýdanyna barǵan kezinde atalǵan nysandardyń qurylysyn aralap kórdi.

Oblys ákimdiginiń málimeti boıynsha kóktemgi sý tasqynyn aldyn alý maqsatynda bıyl oblystyq bıýdjetten Atbasar aýdanynda 163 mıllıon qarajat bólinip, oǵan 7 sý jiberý nysanynyń qurylysy júrgizilýde. Qazirgi kezde onyń úsheýiniń qurylysy qyzý qolǵa alynǵan. Oblys ákimi aýdan basshylyǵyna atalǵan nysandardy jyl sońyna deıin salyp bitirýdi tapsyrdy.

Sonymen qatar, aımaq basshysy «Berkat Company» JShS men aýdandyq ortalyq qazandyqtyń jumysymen tanysty.