Atbasarda 150-den astam adam qaýipsiz jerge kóshirildi
KÓKShETAÝ. QazAqparat- Aqmola oblysynyń Atbasar qalasynda 150-den astam adam qaýipsiz jerge kóshirildi, dep habarlaıdy «QazAqparat» HAA tilshisi.
Aýdan əkimdiginiń janynan ashylǵan jedel shtabtyń məlimeti boıynsha, Jabaı ózeni men erigen qardyń sýy arnaıy turǵyzylǵan sý bógetin úsh jerden tesken. Alaıda, qutqarýshylardyń shıraq qımylynyń arqasynda tótenshe jaǵdaıdyń aldy alyndy.
Sońǵy məlimetterge qaraǵanda, Atbasardaǵy JBK shaǵyn aýdanynda, ıaǵnı, qaýipti aýmaqta ornalasqan 70 úı anyqtalyp otyr. Onyń ishinde dəl qazir 67 otbasy (150 adam ) jəne 37 úı janýary qaýipsiz jerge kóshirildi, 20 úıdi sý basyp qalǵan.
«Qazirgi kezde Jabaı ózenindegi sý deńgeıiniń qaterli shegi 4,5 metrge jetken. Qutqarýshylar saǵat saıyn monıtorıng júrgizip, sýdyń deńgeıin baqylap otyr. Qazir jaǵdaı turaqty», dep túsindirdi jedel shtabtyń kezekshilik bóliminen.
