Atbasarda 150-den astam adam evakýatsııalandy – Aqmola oblysy
KÓKShETAÝ. KAZINFORM – Atbasar aýdanyndaǵy sý tasqynyna qarsy jumystar jalǵasyp jatyr. Qazirgi kezde qaýipti aımaqtaǵy turǵyn úılerden 150-den astam adam evakýatsııalandy.
Aqmola oblysy Tótenshe jaǵdaılar departamenti baspasóz qyzmetiniń málimetinshe, 2024 jyldyń 9 sáýirinde bóget arqyly jaǵalaý aımaǵyn sý basý qaýpine jáne Jabaı ózenindegi sý deńgeıiniń ulǵaıýyna baılanysty sý tasqyny bolýy múmkin aımaqta turatyn turǵyndardy aldyn ala evakýatsııalaý júrgizilip jatyr.
«Jaǵalaý aımaǵynda ornalasqan 24 turǵyn úıden 77 adam qaýipsiz jerge kóshirildi, onyń 8-i zeınetker jáne 21 bala bar, sondaı-aq 77 adam týystaryna evakýatsııalandy. Qazirgi ýaqytta turǵyn úılerdi sý basý deregi tirkelgen joq», - dedi vedomstvodan.
Aıta ketsek, budan buryn Atbasar aýdanynyń turǵyndaryna sýdyń kóterilýine baılanysty eskertý jarııalanǵanyn jazǵan edik.
