Atbasar turǵyny úıinde krıptovalıýta shyǵarýmen aınalysqan
KÓKShETAÝ. QazAqparat - Atbasar turǵyny úıinde krıptovalıýta shyǵarýmen aınalysqan. Bul týraly «Quqyqtyq tártip» aldyn alý sharasy barysynda aıtyldy, dep habarlaıdy QazAqparat tilshisi.
Aqmola oblystyq Polıtsııa departamenti baspasóz qyzmetiniń málimetinshe, bıylǵy jylǵy sáýirdiń 24-inde Atbasar aýdandyq Polıtsııa bóliminiń polıtsııa qyzmetkerleri Atbasar qalasynyń 29 jastaǵy turǵynynyń úıinen krıptovalıýta jasaıtyn jabdyqtardy tapty. Onyń ishinde 2 dana jumys istep turǵan aıtmaıner arnaıy jabdyǵy, sondaı-aq, aıtmaınerge qajetti 9 dana jabdyq jáne ózge de qosalqy tehnıkalar bar.
«Tabylǵan jabdyqtardyń ıesi baǵdarlamashy – 29 jastaǵy jergilikti turǵyn. Er adamnyń úıinde krıptovalıýta jasap kele jatqandyǵyna 3 aı bolǵan. Qazirgi kezde, osyǵan baılanysty is materıaldary memlekettik kirister basqarmasyna ákimshilik hattama toltyrý úshin joldandy», - dedi vedomstvodan.
Aıta ketsek, qyzmettiń osy túri (maınıng) boıynsha 2022 jyldan bastap Qazaqstan Respýblıkasynda tólemaqy (tsıfrlyq maınıng úshin tólemaqy) alynady.
Eske sala keteıik, Qosshyda 70 kásipker japsarjaıdan aıyrylýy múmkin .
