Atbasar turǵyny 65 jastaǵy anasyn uryp óltirdi

KÓKShETAÝ. QazAqparat - Aqmola oblysynyń turǵyny 65 jastaǵy anasyn uryp óltirdi, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, bıylǵy jylǵy maýsymnyń 29-da Atbasar aýdandyq PB kezekshi bólimine ýchaskelik polıtsııa ınspektory habarlasyp, 40 jastaǵy jergilikti turǵyndy ustaǵanyn aıtqan.

«Anyqtalǵandaı, oqıǵa bolǵan kúni qaskúnem úıge mas kúıinde kelgen, al janjal kezinde ol 65 jastaǵy anasyn birneshe ret judyryqpen uryp qalǵan. Soqqydan keıin anasy kenetten kóz jumǵan. Sot-medıtsınalyq saraptamanyń qorytyndysy boıynsha áıel bassúıek-mı jaraqaty saldarynan kóz jumǵan», - dedi vedomstvodan.

Qazirgi kezde osy oqıǵaǵa baılanysty Qylmystyq kodekstiń 106 babynyń 3-shi bóligi «Densaýlyqqa qasaqana aýyr zııan keltirý» boıynsha sotqa deıingi is qozǵaldy.

Kúdiktige qatysty kúzetpen ustaý túrindegi bultartpaý sharasy tańdaldy.