Atbasar qalasynda 500-ge jýyq adam qaýipsiz jerge kóshirildi
KÓKShETAÝ. QazAqparat - Aqmola oblysynyń Atbasar qalasynda 206 turǵyn úıdi sý basty, dep habarlaıdy «QazAqparat» HAA tilshisi.
TJD məlimeti boıynsha keshe keshki saǵat 20:00 shamasynda Jabaı ózenin boılaı salynǵan sý bógetin úsh jerden, Remen zaýyty, Ibrýeva kóshesi mańynda aǵyn sý buzyp ketken. Osynyń saldarynan qaýipti aýmaqta ornalasqan 206 turǵyn úıdi sý basyp, 451 jýyq adam qaýipsiz jerge kóshirildi. Sonymen qatar nómir 1-shi orta mektepti de sý alyp qalǵan. Japa shekken adamdar joq. Qazirgi kezde qutqarý jumystary jalǵasýda.
Eske sala keteıik, keshe tańerteń Sandyqtaý aýdanynda sý tasqyny oryn alyp, 65 turǵyn úıdi sý alyp qalǵan bolatyn. Onyń ishinde 50 úı Sandyqtaý aýylynda bolsa, 15-i Balkashın selosyndaǵy úıler. Osynyń saldarynan 180 jýyq adam qaýipsiz jerge kóshirilgen edi. Qazirgi kezde aýdanda jaǵdaı turaqty.
