Atbasar aýdanynyń ákimi bóget qurylysy týraly aıtyp berdi
ASTANA. QazAqparat - 2014 jyly Atbasar qalasyndaǵy apat týraly habar barsha Qazaqstanǵa tarady. Onda bógetke aqqan sý deńgeıi 4,5 metrdi quraǵan edi. Al ótken jyly sý bıiktigi 4 metrge jetken bolatyn.
2015 jyly sý tasqynyna qarsy sharalar aıasynda 9 shaqyrymdyq bóget nyǵaıtyldy. Sol bóget ótken jyly Atbasardy qyzyl sýdan saqtap qaldy, dep habarlady Aqmola oblysy ishki saıasat basqarmasy.
«Jumystardy júrgizýge 95 mıllıon teńge bólindi. Іs júzinde bul jumystar 80 mıllıon teńgege júrgizildi. Munyń tolyqqandy bóget qurylysy emestigin eskertkim keledi. Qala qaýipsizdigin qamtamasyz etý úshin biz úıindi topyraq túrinde birneshe shaqyrymǵa sozylatyn, bıiktigi 6,7 metrge jetetin bóget turǵyzdyq - mundaı jumysty bizge deıin eshkim istemegen. Osy maqsatta bıýdjetten bólingen qarajat sý ákeletin zardaptan on ese az. Biraq, bizde basqa amal bolmady», - dep atap ótti Atbasar aýdanynyń ákiim Andreı Nıkıshov.
«Ol kezde sý tasqynyna qarsy sharaǵa kúni buryn daıyndyq júrgizý Atbasar aýdanyndaǵy qaýipti aımaqtarda ornalasqan áleýmettik nysandar men turǵyn úılerdi sý basýǵa jol bermeıtin edi. Jáne dál osy topyraq úıindisi 2015-2016 jyldary sý tasqynyna qarsy turýǵa septigin tıgizdi», - dedi ákim.
Sý bógeti sýdyń munshalyqty kóp mólsherine arnalmaǵan. Sýdyń shekti deńgeıi 2014 jylmen salystyrǵanda 2,5 metr jáne 80 santımetrge asyp ketti. 40 ret júrgizilgen jarylys jumystary da úıindiniń álsireýine sebep boldy. Sol sebepti sý tasydy, dep túsindirdi A. Nıkıshov.
«Úıindi turǵyzýda keıbir atbasarlyqtardyń baqshasyn qurban etýge týra keldi, keı jerlerde sharýashylyq qurylystarǵa nuqsan keldi. Sý tasqynynan keıin úı ıelerine barlyq qurylystardy qalpyna keltirýge kómek berdik. Ózge oryndardan jer úlesteri bólindi, qaıtadan qunarly topyraq ákelindi. Bul jumystarǵa 63 mıllıon teńge bólindi. Mine, osylaısha keıbir BAQ habarlaǵan 200 mıllıonnan astam teńge emes, 158 mıllıon teńge shyǵady.
Eger topyraq úıindisi bolmasa, appattan kelgen shyǵyn kólemi budan da kóbirek bolar edi. 2014 jyly 500-den astam úıdi sý basty. Qazirgi ýaqytta - 545. Árıne, bul da az emes, biraq topyraq úıindisiniń aıtarlyqtaı kómegi tıdi», - dep qorytyndylady ákim.
