Atbasar aýdanynda órt sóndirý beketi ashyldy
KÓKShETAÝ. QazAqparat - Qazaqstan halqy birligi kúni jáne Otan qorǵaýshylar kúnin merekeleý qarsańynda Atbasar aýdanynyń Shýıskıı aýylynda órt sóndirý beketi ashyldy, dep habarlaıdy QazAqparat tilshisi.
Aqmola oblysynyń Thtenshe jaǵdaılar departamenti baspasóz qyzmetiniń málimetinshe, órt beketi 1775 turǵyny bar Makeevka, Shýıskıı jáne Novoselskıı aýyldary aýmaǵynda órt qaýipsizdigin qamtamasyz etedi.
«Beketti ashý úshin órt sóndirý mashınasyn órt-tehnıkalyq jabdyqtaýǵa jáne erikti órt sóndirýshilerge arnalǵan jabdyqtarǵa oblystyq bıýdjetten 450 myń teńge bólindi. Órt sóndirý beketi Atbasar aýdany ákimdigi jáne «Órt sóndirýshi» aktsıonerlik qoǵamy fılıaly arasynda jasalǵan kelisimshart boıynsha qyzmet kórsetedi. Aqmola oblysynyń Tótenshe jaǵdaılar departamenti tarapynan órt sóndirý beketi úshin AS-40 (130) avtokóligi berildi», - dedi vedomstvodan.
Órt sóndirý postynyń ashylýyna Atbasar oblysy ákiminiń orynbasary M.S.Asqarov, Aqmola oblysy Tótenshe jaǵdaılar departamenti bastyǵynyń orynbasary azamattyq qorǵaý polkovnıgi M.K.Shapaǵatov qatysty.
«Órt sóndirý beketi jylytylǵan garajben qamtamasyz etilgen, telefon baılanysy jumys isteıdi. «Shýıskoe-21» seriktestiginiń aýmaǵynda ornalasqan órt sóndirý beketinde tórt adam eńbek etedi. Olardyń barlyǵy Atbasar qalasyndaǵy Órt sóndirý qyzmeti-4 bazasynda oqytyldy», - dep tolyqtyrdy vedomstvodan.
