Atbasar aýdanynda ınvestıtsııalyq jobalar júzege asyrylýda

KÓKShETAÝ. QazAqparat - Bıyl Atbasar aýdanynda 9 myń sharshy metrden astam turǵyn úı paıdalanýǵa berildi. Bul týraly aýdan ákimi Amanbek Qaljanov aýdanynyń 2020 jylǵy áleýmettik-ekonomıkalyq damý qorytyndylary týraly brıfıngide aıtty, dep habarlaıdy QazAqparat tilshisi oblystyq ishki saıasat basqarmasyna silteme jasap.

Aýdan ákiminiń aıtýynsha, aýdanda kóp balaly otbasylar men halyqtyń áleýmettik osal toptary úshin 45 páterli eki turǵyn úı salyndy. 2020 jyldyń 10 aıynda aýyl sharýashylyǵynyń jalpy óniminiń kólemi shamamen 42 mlrd.teńgeni qurady, bul 2019 jyldyń sáıkes kezeńimen salystyrǵanda 20 paıyzǵa joǵary. Esepti kezeńde 4,5 myń tonnadan astam et, 21 myń tonnaǵa jýyq sút, 8 mıllıon dana jumyrtqa óndirildi. 334 basqa iri qara mal ósiretin 4 et fermasy ashyldy.

Brıfıngte aýdan ákimi shaǵyn jáne orta bıznesti damytý máselelerine, ınvestıtsııalyq jobalarǵa naqtyraq toqtaldy.

«Aqmola oblysynyń 2020-2025 jyldarǵa arnalǵan kásipkerlikti qoldaý kartasyna 59 jumys ornyn qurýmen 2 mlrd.teńgege jýyq somaǵa 2 ınvestıtsııalyq joba engizildi. Bul-suly qaýyzyn iske qosý jónindegi tamaq fabrıkasynyń qurylysy jáne et ónimderin tereń óńdeý tsehynyń qurylysy. «Qarapaıym zattar ekonomıkasy» baǵdarlamasy aıasynda jalpy somasy 535 mln.teńgeden astam 6 joba qarjylandyryldy. «Bastaý-Bıznes» jobasy boıynsha 28 adam 95,4 mln.teńge somasyna shaǵyn nesıe aldy. Jyl basynan beri 7 jańa saýda nysany ashyldy», - dedi A.Qaljanov.

Aýdanda turǵyn úı-kommýnaldyq sharýashylyq máselelerine kóp kóńil bólinedi. Memlekettik baǵdarlamalar aıasynda Bastaý aýylynda uzyndyǵy 5,7 km kentishilik joldardy asfaltbeton jabynymen ortasha jóndeý aıaqtaldy. Atbasar qalasynyń kóshe joldaryna ortasha jóndeý jumystary júrgizildi. Aýdandyq mańyzy bar «Atbasar» avtomobıl joly aǵymdaǵy jóndeýden ótti. Marınovka aýyly men Bastaý aýylyna kireberis jolǵa, Shýıskoe jáne Pokrovka aýyldaryndaǵy sý qubyry jelileri men qurylystaryn qaıta jańartý jumystary, Atbasar qalasynyń sý qubyry jelilerine, sorǵy stantsııasyna jáne káriz jelilerine aǵymdaǵy jóndeý, Sochınskoe aýylynyń bógetine kúrdeli jóndeý, sondaı-aq Atbasar qalasyndaǵy Jeti qazandyqqa aǵymdaǵy jóndeý jumystary júrgizildi.

Aýdanda sý tasqynyn aldyn alý jáne qaýipti joıý sharalary turaqty baqylaýda.

«2021 jylǵy sý tasqyny kezeńiniń qaýipsiz ótýi úshin Atbasar qalasynda jáne 7 aýyldyq okrýgte Jabaı jáne Jylandy ózenderiniń arnalaryn ósimdikter men qum shógindilerinen tazartý jumystary júrgizildi. Topyraq úıindisi nyǵaıtylyp, jalpy uzyndyǵy 10 myń metr jyra tazartylyp, tereńdetildi, Samarka aýylynda uzyndyǵy 280 metr bóget jáne 1 shlıýzde qanatshalar nyǵaıtyldy»,-dep túıindedi aýdan ákimi.