Atbasar aýdanynyń turǵyndaryna sýdyń kóterilýine baılanysty eskertý jarııalandy
KÓKShETAÝ. KAZINFORM – Atbasar aýdanynyń turǵyndaryna sýdyń kóterilýine baılanysty eskertý jarııalandy.
«Qurmetti Atbasar qalasynyń jáne Atbasar aýdanynyń turǵyndary! Jabaı, Esil jáne Jylandy ózderiniń jaǵalaýynda turatyn turǵyndar, aldaǵy táýliktiń ishinde sýdyń qaýipti deńgeıge deıin kóterilýi kútiletinin eskertemiz. Osyǵan baılanysty evakýtsııalanýǵa daıyn bolýǵa shaqyramyz. Qajetti kıim – keshekter men qujattaryńyzdy aldyn ala ázirlýge jáne materıaldyq qundy zattardyń sý basýyna jol bermeý sharalaryn ýaqytyly qolǵa alý qajettigin eskertemiz. Dúrbeleńge jol bermeı, tek resmı aqparat kózderine senýge shaqyramyz», - delingen Atbasar aýdany ákiminiń orynbasary Qýanysh Qýatbekovtiń eskertýinde.
Qazirgi kezde Atbasar qalasynda JBK aýmaǵynda sýdyń kedergisiz ótýin qamtamasyz etý boıynsha jumystar qolǵa alynǵan. Sonymen birge, Jabaı ózeni jaǵasyndaǵy topyraqtan turǵyzylǵan jasandy bógetter nyǵaıtylyp, kóshelerdegi sý sorylyp jatyr.
Eske salaıyq, 2024 jyldyń 8-shi sáýiri tańǵy saǵat 08:00-degi jaǵdaı boıynsha Atbasarda Jabaı ózenindegi sý qaýipti deńgeıden 8 sm asyp ketken bolatyn (qaýipti deńgeı - 710 sm).
