Ataýly jalaqy 338 myń teńgeni quraıdy – ulttyq statıstıka

ASTANA. QazAqparat – Qazaqstanda 2022 jyldyń tórtinshi toqsanynda ataýly jalaqynyń ortasha máni 338 715 teńgeni qurady. Bul týraly Ulttyq statıstıka bıýrosynan málim etti, dep habarlaıdy QazAqparat.

«2021 jyldyń tórtinshi toqsanymen salystyrǵanda ósim 22,9%, naqty mánde 2,8% qurady. Jalaqynyń medıanalyq máni (jalaqy qatarynyń ortalyq deńgeıi) 2022 jylǵy tórtinshi toqsanda baǵalaý boıynsha 204 168 teńge boldy», - delingen vedomstvo málimetinde.

Bir jylda ortasha aılyq jalaqy qurylys salasynda – 42%, turý jáne tamaqtaný boıynsha qyzmet kórsetýde – 32,6%, aqparat jáne baılanysta 31,9% ósti. Al túrli qyzmet kórsetý salasynda kerisinshe, 2,4% tómendegen.