Ataýly dári-dármekpen qamtamasyz etýdi baqylaýdy arttyrý úshin formýlıarlyq júıe jetildiriledi - QR DSM
ASTANA. 19 naýryz. QazAqparat - Ataýly dári-dármekpen qamtamasyz etýdi baqylaýdy arttyrý úshin formýlıarlyq júıe jetildirilmek. Bul týraly búgin Úkimettiń selektorlyq rejimdegi otyrysynda 2012 jyldyń qorytyndysy boıynsha «Salamatty Qazaqstan» memlekettik baǵdarlamasynyń iske asyrylý barysy týraly baıandama jasaǵan QR Densaýlyq saqtaý mınıstri Salıdat Qaıyrbekova aıtty.
Onyń atap ótýinshe, memlekettik baǵdarlamanyń halyq úshin dárilik zattardyń qoljetimdiligi men sapasyn arttyrý baǵyty jetildirýde. Tegin medıtsınalyq kómektiń kepildik berilgen kólemi boıynsha dári-dármekpen qamtamasyz etý quraldarynyń kólemi 120 mlrd. teńgeden astamdy quraǵan.
«2012 jyldan bastap atalǵan problema sheshildi. Budan buryn 50 paıyz jeńildikpen bosatylatyn dárilik zattar 2012 jyldan bastap tegin bosatylady. Osy maqsattarǵa respýblıkalyq bıýdjet qarajatynan 3 mlrd. teńgeden astam qarjy bólindi», - dedi ol.
Mınıstrdiń sózine qaraǵanda, ataýly dári-dármekpen qamtamasyz etýdi baqylaýdy arttyrý úshin formýlıarlyq júıe jetildirilmek.
