Ataýly áleýmettik kómek mólsheri qalaı esepteledi

NUR-SULTAN. QazAqparat –QR Eńbek jáne halyqty áleýmettik qorǵaý mınıstrligi Áleýmettik kómek saıasatyn damytý departamentiniń dırektory Asqar Nııazov ataýly áleýmettik kómek mólsheri qalaı esepteletindigin túsindirdi, dep habarlaıdy QazAqparat tilshisi.

«Ataýly áleýmettik kómek kirisi tómen otbasylarǵa beriledi. ıAǵnı, otbasynyń jan basyna shaqqandaǵy kirisi eń tómengi kúnkóristiń 70 paıyzynan tómen bolýy tıis. Eń tómengi kúnkóristiń 70 paıyzy – bul kedeıshilik shegi. ıAǵnı, ataýly áleýmettik kómek mólsheri kedeıshilik shegi men otbasynyń árbir múshesine shaqqandaǵy kiristiń aıyrmasy arqyly anyqtalady», - dedi ol Ortalyq kommýnıkatsııalar qyzmetindegi brıfıng barysynda.

Osy rette departament basshysy ataýly áleýmettik kómek mólsherin naqty mysal keltire otyryp atap berdi.

«Máselen, otbasyda 3 bala jáne ákesi men anasy bar delik. Ata-analardyń biri bala kútimine baılanysty demalysta, al otbaǵasy jumys isteıdi. Biraq, jalaqysy 50 myń teńge ǵana. Demek, otbasynyń árbir múshesin shaqqanda aı saıynǵy kiris 10 myń teńgeden aınalady. Mundaı jaǵdaıda bizdegi kedeıshilik shegi 24 012 teńgeni quraıdy. Bul respýblıka boıynsha orta deńgeı. Óıtkeni, kedeıshilik shegin árbir óńir aımaq ómiriniń ekonomıkalyq deńgeıine baılanysty derbes aıqyndaıdy. Osyndaı jaǵdaıda ataýly áleýmettik kómektiń ortasha mólsheri otbasynyń árbir múshesine 14 myń teńgeden aınalady. 5 adamǵa aı saıyn shamamen 70 myń teńge tólenedi. Ataýly áleýmettik kómek mólsheri naqty bekitilmegen. Ol otbasynyń kirisine baılanysty», - dedi Asqar Nııazov.