Ataýly áleýmettik kómek alatyn azamattar ári qaraı áleýmettik kómek ala beredi

NUR-SULTAN. QazAqparat – Ataýly áleýmettik kómek (AÁK) alatyndarǵa áleýmettik kómek avtomatty túrde uzartyldy. Bul týraly QR eńbek jáne halyqty áleýmettik qorǵaý mınıstri Serik Shapkenov málim etti, dep habarlaıdy QazAqparat tilshisi.

«Prolongatsııa jasaldy. Tórtinshi toqsanda AÁK alatyn tulǵalarǵa 2022 jyldyń birinshi toqsanynda avtomatty túrde uzartyldy», - dedi brıfıng barysynda Serik Shapkenov.

Buǵan deıin vedomstvo basshysy mınıstrliktiń óz mindetterin tolyq kólemde atqaryp jatqanyn habarlaǵan bolatyn.

«Zeınetaqy men járdemaqylarǵa toqtalar bolsaq, qazirgi ýaqytta tolyq kólemde jáne ýaqytyly berilip jatyr. Qazirgi tańda 174 mlrd teńge tólendi. Bul qarajat azamattardyń shotynda jatyr», - dedi Serik Shapkenov.