Ataýly áleýmettik kómek tek qana muqtaj jandarǵa taǵaıyndalady
ASTANA. KAZINFORM – Elimizde Ataýly áleýmettik kómek tek muqtaj adamdarǵa ǵana taǵaıyndalady. Bul týraly QR Eńbek jáne halyqty áleýmettik qorǵaý mınıstri Svetlana Jaqypova aıtyp berdi.
Mınıstr Úkimettiń keńeıtilgen otyrysynda Memleket basshysy áleýmettik kómektiń tıimdiligin arttyrý men qaıta qaraýdy tapsyrǵanyn eske saldy.
Osyǵan baılanysty, Svetlana Jaqypovanyń aıtýynsha, Otbasynyń tsıfrlyq kartasyn jáne memlekettik jáne memlekettik emes uıymdardyń júıeleri men jańa ıntegratsııalardy paıdalanyp, AÁK-ti tolyq transformatsııalaý josparlanǵan. Bul qolma-qol aqshanyń ataýlylyǵy men maqsatty jumsalýyn qamtamasyz etý úshin áleýetti kómek alýshylardy jáne bıýdjet shyǵynyn aıqyndaýǵa múmkindik beredi.
«Muqtaj otbasylarǵa, onyń ishinde kópbalaly otbasylarǵa keshendi qoldaý kórsetýdiń naqty reglamenti ázirlenedi. Onyń quramyna AÁK jáne basqa da qoldaý sharalary kiredi. AÁK transformatsııasynyń barlyq protsesterinde adam faktoryn boldyrmaý úshin tsıfrlandyrý negizgi komponent bolady. Osylaısha, áleýmettik kómek tek muqtaj otbasylarǵa ǵana kórsetileýin kútemiz», - dedi mınıstr.
2023 jyly Ataýly áleýmettik kómek 114,1 myń otbasyndaǵy 598,4 myń adamǵa taǵaıyndalǵan. Osy maqsatqa bıýdjetten 57,4 mlrd teńge jumsalǵan.
