Atasý-Alashańqaı munaı qubyrynyń qýaty jylyna 20 mln. tonnaǵa deıin artady
ASTANA. 27 shilde. QazAqparat - Respýblıkada Qazaqstan-Qytaı munaı qubyry qurylysy jobasynyń ekinshi kezeginiń ekinshi kezeńi júzege asyrylýda, dep habarlady QR Munaı jáne gaz mınıstrligniń baspasóz qyzmeti pm.kz saıtyna.
«Qazaqstan-Qytaı munaı qubyry qurylysy jobasynyń ekinshi kezeginiń ekinshi kezeńiniń jobasy «Qazmunaıgaz»-dyń perspektıvalyq josparyna jáne «Qazaqstan-Qytaı qubyr ótkizgishi» JShS 2012 jylǵy bıýdjetine engizilip, jobalyq-smetalyq qujattaryn ázirleýdiń shyǵyny maquldanǵan», - delingen vedomstvo habarynda.
2011 jyly Atasý-Alashańqaı 11munaı qubyrynyń MQS qurylysy aıaqtalyp, onyń ótkizý qýaty 12 mln. tonnaǵa artqan bolatyn.
QR Munaı jáne gaz mınıstrliginiń aqparyna qaraǵanda, búgingi kúni Atasý-Alashańqaı munaı qubyrynyń ótkizý qabiletin reseı munaıynyń qosymsha kóleminiń tranzıti úshin 20 mln. tonnaǵa deıin jetkizý jolynda jumystar júrgizilýde.
Sonymen, «QazTransOıl» AQ munaı qubyry qurylysynyń Qumkól-Qaraqoıyndaǵy úshinshi bóliginiń jáne Qyzyljar MQS Qumkól-Qaraqoıyn-Atasý ýchaskesi qurylysynyń jobalyq-smetalyq qujattamasyn ázirledi. Sonymen qatar, «QazTransOıl» AQ Keńqııaq-Atyraý munaı qubyrynyń jumysyn qamtamasyz etý úshin óz nysandarynda daıyndyq jumystaryn júrgizýde.
Esterińizge sala keteıik, Qazaqstan-Qytaı munaı qubyryn keńeıtý aıasynda eki joba: uzyndyǵy 777,5 shaqyrym, dıametri 813 mm bolatyn Keńqııaq- Qumkól telimi jáne jalpy uzyndyǵy 962,3 shaqyrym, dıametri 813 mm bolatyn Atasý - Alashańqaı júzege asyrylady.
