"Atamnyń jeńisi - meniń jeńisim" jalpyulttyq áleýmettik aktsııasy bastaldy
dep habarlaıdy QazAqparat.
"Oǵan eń alǵashqy bolyp bank qyzmetkerleri qosyldy. Barlyq otbasynyń Uly Otan soǵysymen tarıhı baılanysy bar. Bizdiń kóptegen týystarymyz urys dalasynan oralmaı qalsa, birqatary soǵystan jeńispen qaıtty, tyldaǵy eńbek maıdanynda jumys jasady, okkýpatsııany bastarynan ótkizdi. Osy tarıhtyń bári bizdiń otbasylarymyzda saqtalyp, tarıhı muramyzdy quraýda", deıdi Qazkommertsbanktiń Basqarýshy dırektory Maǵjan Áýezov. Onyń aıtýynsha, bul aktsııa Uly Otan soǵysynń tarıhyn saqtap, bolashaq urpaqqa jetkizýge baǵyttalǵan. Qazirgi urpaq aǵa býynnyń erligin umytpaıdy jáne ony árdaıym maqtan tutady.
Jalpy mamyrdyń 7-sine deıin sozylatyn bul sharaǵa kez-kelgen adam qatysa alady. Bul úshin olar Uly Jeńiske óz úlesin qosqan týys-týǵandarynyń soǵys jáne eńbek maıdanyndaǵy tarıhyna qatysty fotosýretterdi jáne ózderiniń de fotosýretin jiberýi kerek. Urpaq jalǵastyǵy retinde olardyń bul sýretteri banktiń arnaıy qurylǵan betinde jáne alǵashqy banktik áleýmettik jelide (www.homeclub.kz ) qatar ornalastyrylatyn bolady.
