Atamqulov: Kásipkerlerge qyzmet kórsetý ortalyǵy 20 myńǵa jýyq kásipkerge kómek kórsetti
ShYMKENT. QazAqparat - Ońtústik Qazaqstan oblysynda sheteldik ınvestorlardyń qatysýymen 2 mlrd dollardyń jobalary júzege asyrylýda. Bul týraly búgin Elbasynyń júktegen fýnktsııalary men mindetteriniń oryndalýy boıynsha oblystyq máslıhat depýtattarynyń aldyndaǵy bergen esebinde oblys ákimi Beıbit Atamqulov málim etti.
«Negizgi basymdy baǵyttardyń biri - ınvestıtsııa tartý bolyp tabylady. Osy maqsatta óńirde «Ontustik Invest-2016» halyqaralyq ınvestıtsııalyq forýmy ótkizildi. Eýropa jáne Azııa elderine óńirge ınvestıtsııa tartý maqsatynda resmı is-saparlar uıymdastyrylýda. Búgingi tańǵa sheteldik ınvestorlardyń qatysýymen jalpy quny 2 mlrd AQSh dollarynan astam 24 joba iske asyrylýda», - dep atap ótti oblys ákimi Beıbit Atamqulov.
Onyń sózine qaraǵanda, kásipkerlikti qoldaý maqsatynda «Bıznestiń jol kartasy 2020» baǵdarlamasymen alty aıda 54 mlrd teńgeniń 117 jobasy maquldanyp, osy jobalar boınysha 983 jańa jumys orny ashylǵan. Jalpy baǵdarlamaǵa qatysýshylardan bıýdjetke 6,7 mlrd teńge salyq túsip, ótken jylmen salystyrǵanda bul kórsetkish 409 mln teńgege artqan.
«Kásipkerlerge qyzmet kórsetý ortalyǵymen» 19 905 kásipkerge kómek kórsetildi», - dep atap ótti oblys ákimi B. Atamqulov.
