Atamqulov ákimdikterdi jol boıynda kórsetiletin qyzmet sapasyn arttyrýǵa shaqyrdy
NUR-SULTAN. QazAqparat – Bıyl respýblıkalyq joldardyń boıynda ulttyq standartqa saı qyzmet kórsetetin 125 nysan salynady, dep habarlaıdy QazAqparat tilshisi.
Búgingi tańda respýblıkalyq mańyzdaǵy joldardyń boıynda 1854 qyzmet kórsetý nysany jumys isteıdi. Onyń ishinde 1070-i, ıaǵnı, 58%-y ulttyq standart talaptaryna sáıkes keledi. Indýstrııa jáne ınfraqurylymdyq damý mınıstri Beıbit Atamqulov osyndaı statıstıka keltirdi.
«Biz Memleket basshysynyń tapsyrmasyna sáıkes 2025 jylǵa deıin barlyq joldardy Ulttyq standarttarǵa sáıkes keletin jol boıyndaǵy qyzmet kórsetý nysandarymen qamtamasyz etemiz. Jol boıyndaǵy qyzmet kórsetý nysandary boıynsha talaptar bekitilgen. Olardy damytý jumystaryn «QazAvtoJol» ulttyq kompanııasy júrgizýde», - degen mınıstr jyl sońyna deıin osy talaptarǵa saı keletin 125 jańa nysan salynatynyn aıtty.
«ıAkorlyq ınvestorlar esebinen sanıtarııa toraptary men tamaqtaný pýnktteri bar 38 janarmaı quıý stantsııasy, jeke ınvestıtsııalar esebinen jáne qaıta jóndeý jumystary aıasynda 87 sanıtarlyq-gıgıenalyq torap salynady.
Bıyl normatıvtik talaptarǵa saı keletin nysandar úlesi 66 paıyzǵa (1322 birlik) deıin jetkiziledi», - dedi vedomstvo basshysy.
Óz sózinde Beıbit Atamqulov, 2025 jylǵa deıin qosymsha 400-den astam zamanaýı nysan salynatynyn eske saldy.
«Jol boıyndaǵy qyzmet kórsetý nysandaryn salý jáne olardyń jaǵdaıy qoǵamda keńinen talqylanýda. Osy rette oblys ákimdikteri men «Atameken» ulttyq kásipkerler palatasy atalǵan jumysqa belsene qatysýy kerek. Jańa trassalyq keshender qurylysy boıynsha Aqtóbe (4), Almaty (3) jáne Qaraǵandy (3) oblystary oń nátıje (A jáne V sanattary) kórsetýde. Soltústik Qazaqstan (38 paıyz) jáne Mańǵystaý oblystary (43 paıyz) qoldanystaǵy nysandardy normatıvti talaptarǵa keltirý jumystaryn kúsheıtýi qajet», - dedi Beıbit Atamqulov.
Eske salsaq, Indýstrııa jáne ınfraqurylymdyq damý mınıstri atalmysh sharada Qandyaǵash-Maqat baǵytyndaǵy 327 shaqyrym jol bıyl ashylatynyn málim etken bolatyn.
Vedomstvo jol qurylysy maýsymynda bıtým baǵasynyń ósýine jol bermeý máselesin pysyqtap jatyr.
