«Atamekenniń» enshisin bólip, bólek shyǵardyq - Úkimet basshysy
ASTANA. QazAqparat - Bıyl Úkimet pen «Atameken» palatasy arasyndaǵy besjyldyq kelisimniń merzimi aıaqtalady. Osyǵan baılanysty bılik kásipkerler uıymynyń quramynan shyǵady. Al qazirgi áriptestik jańa kelisimniń negizinde jalǵasady, dep xabarlaıdy QazAqparat tilshisi.
«Endi, ózderińiz jaqsy bilesizder, náreste dúnıege kelgende ata-anasy ony álpeshtep ósiredi. Aıaǵyna turǵansha qamqorlyq jasaıdy. Al aıaǵyna turyp ketken balanyń túısigi bolsa, ol ata-anasyna qamqorlyq jasaıdy, ózine tirek bolady. «Atameken» bes jyldyń ishinde jyldap emes, kúnde ósti. Bes jylda júrip ótken jolyn qarańyzdar. Búginde «Atameken» Úkimettiń tiregine aınaldy. Bes jyl ótti. Endi, biz óz ókilettigimizdi toqtatyp, qazaqsha aıtqanda «Atamekenniń» enshisin bólip berip, úlken jolǵa shyǵaryp otyrmyz. Bizdiń aıtarymyz, aq jol!», - dedi QR Premer-Mınıstri Baqytjan Saǵyntaev «Atameken» UKP-nyń V sezinde.
Úkimet basshysynyń aıtýynsha, bılik kásipkerler uıymynyń quramynan shyqsa da, áriptestik baılanys jalǵasa beredi.
«Osymen eki jaqqa ketemiz degen sóz emes. Kerisinshe, qazirdiń ózinde biz myqty komandaǵa aınaldyq. Men bir ǵana mysal keltireıin, Eýrazııalyq ekonomıkalyq komıssııanyń jumysy kezinde qyzý pikirtalastar bolyp jatady. Sonda áriptesterimizge salmaqty bir ýáj tappaı qalǵanda biz «Atameken» qarsylyq bildirdi deımiz de, boldy. Osymen pikirtalas basylady. Áriptesterimiz bolsa, bundaı «Atamekendi» qaıdan alsaq eken dep shyǵady. Sebebi bári bir nárseni jaqsy biledi. Odaq aıasyndaǵy kez kelgen jumys bızneske tıimdi bolýy qajet», - dep atap kórsetti B.Saǵyntaev.
Sezd barysynda Úkimet pen «Atameken» UKP arasynda jańa kelisimge qol qoıyldy. Sonyń negizinde bılik pen bıznestiń áriptestik baılanystary jalǵasa beredi. Biraq uıymnyń quryltaıshylar quramynda tek kásipkerler ǵana qalady.
«Osymen ózara is-qımyldyń tetikteri belgilendi. Biz jemisti ári tıimdi jumystyń jalǵasa beretinine senemiz. Shynymen de, bes jyldyń ishinde Úkimet laıyqty ári kásibı áriptesin tárbıelep shyǵardy. Birlesken jumystyń nátıjesinde biraz sharýalar atqaryldy. Atalǵan áriptestik jalǵasa beredi», - deıdi «Atameken» UKP prezıdıým tóraǵasy Tımýr Qulybaev.
Aıta keteıik, bes jyldyń ishinde «Atamekenge» bıznesti qorǵaý boıynsha 23 573 aryz-shaǵym túsken. Sonyń 40 protsenti oń sheshimin tapty. Sonyń nátıjesinde kásipkerlerdiń menshik quqyǵy 111,3 mıllıard teńgeden astam somaǵa qorǵaldy. 2016 jyly Qazaqstannyń bıznes-ombýdsmen ınstıtýty engizildi. Quqyq qorǵaý organdary tarapynan kásipkerlerge jasalatyn qysym deńgeıi aıtarlyqtaı tómendedi. Ekonomıkalyq qylmysty alǵash ret jasaǵan ári óz erkimen zalaldy ótegen tulaǵalardy jaýapkershilikten bosatý tetigi engizildi. 2016-2017 jyldary jasalǵan raqymshylyq sharalarynyń arqasynda 400-den astam kásipker ekonomıkalyq qyzmetke qaıta oraldy.
Ulttyq kásipkerler palatasynyń bastamasymen daýlardy sotqa deıin retteý mehanızmi engizildi. QR Qarjy mınıstrliginiń janynan salyq jáne keden daýlary boıynsha apellıatsııalyq komıssııa quryldy. Búginge deıin salyq jáne keden tekserýlerine qatysty 157 shaǵym qaralyp, shamamen 40% bıznestiń paıdasyna sheshildi.
Palata qurylǵannan beri 22 300 normatıvti quqyqtyq aktiniń jobasyna saraptama jasaldy, onyń ishinde 434-ten astam zań jobasy qaraldy. Bıznestiń usynystaryn eskerý kórsetkishi aıtarlyqtaı ósti. 2015 jyly 30 protsent bolsa, bıyl usynystardyń 73 protsenti eskerildi. Úkimetpen birge 800 ruqsat qysqartyldy (1115 bolǵan, qazir 315-i qaldy). Budan kásipkerler jyl saıyn 1,5 mlrd teńgeni únemdeıdi.
2016 jyly «Atameken Services» jobasy iske qosyldy. 76 qyzmet avtomattandyryldy. Onlaın rejımde 18 myńnan astam qyzmet kórsetildi. Osynyń negizinde «Bızneske arnalǵan úkimet» jobasyn júzege asyrý josparlanǵan. Budan bólek, «Bastaý Bıznes» jobasy aıasynda xalyqty bızneske úıretý sharalary qolǵa alyndy. 2017 jyly 15 myń jumyssyz jáne ózin-ózi jumyspen qamtyǵan azamat oqytyldy. Onyń ishinde 8 myńnan astamy bıznes-jobalaryn qorǵady, 3314 azamat bıznesin ashty jáne ulǵaıtty. Shamamen 10 myń jumys orny ashyldy. Bıyl 30 myń adam oqytalady.
