«Atameken» UKP prezıdıýmynyń jańa tóraǵasy saılandy
ASTANA. KAZINFORM - «Atameken» Ulttyq kásipkerler palatasynyń sezinde palata prezıdıýmynyń jańa tóraǵasy saılandy. Bul qyzmetti 2025 jyldyń qyrkúıeginde QR Prezıdentiniń ekonomıkalyq máseleler jónindegi kómekshisi laýazymynan bosatylǵan Qanat Sharlapaev atqaratyn boldy.
2022 jyldan beri palata prezıdıýmynyń tóraǵasy qyzmetin Raıymbek Batalov atqaryp keldi.
Qanat Sharlapaev 1981 jyly Saratov oblysynda dúnıege kelgen, Qazaqstan Respýblıkasynyń azamaty.
Saratov áleýmettik-ekonomıkalyq ýnıversıtetin (RF), Cranfield School of Management (Ulybrıtanııa) támamdaǵan. Eńbek jolyn 2003 jyly bank sektorynda bastady.
2006-2008 jyldary óńirlik keńseniń qarjy departamentinde, jobalardy basqarý departamentinde, operatsııalyq-tehnologııalyq departamentinde, «Sıtı» ınvestbankiniń satý basqarmasynda (Ulybrıtanııa, Chehııa) jumys istedi.
2008-2014 jyldary - «Sıtı» ınvestbank aktsııalar naryǵynda jumys jónindegi óńirlik dıvızıonynyń aǵa taldaýshysy, vıtse-prezıdentiniń kómekshisi, vıtse-prezıdenti (London, Ulybrıtanııa).
2014-2015 jyldary – «Sıtı» ınvestbankiniń Eýropa, Taıaý Shyǵys jáne Afrıka boıynsha strategııalyq josparlaý jáne taldaý óńirlik tobynyń vıtse-prezıdenti (London, Ulybrıtanııa).
2015-2017 jyldary - Sıtıbank Qazaqstannyń Bas qarjy dırektory, basqarma tóraǵasynyń orynbasary, aǵa vıtse-prezıdenti.
2017-2020 jyldary - Reseı Sıtıbankiniń Reseı, Ýkraına jáne Qazaqstan boıynsha bas qarjy dırektory, aǵa vıtse-prezıdenti.
2020-2022 jyldary – «Sıtı» ınvestıtsııalyq bankiniń (BAÁ) Afrıka, Taıaý Shyǵys pen Shyǵys Eýropanyń damýshy naryqtaryndaǵy strategııa, josparlaý jáne taldaý jónindegi óńirlik dırektory.
Úılengen, 3 balanyń ákesi.
2022 jylǵy 2 aqpanda «Báıterek» ulttyq basqarýshy holdıngi» AQ-nyń basqarma tóraǵasy bolyp taǵaıyndaldy. Bank salasynda 17 jyl jumys ótili bar.
2023 jyly 3 qyrkúıekte Ónerkásip jáne qurylys mınıstri bolyp taǵaıyndaldy.
2025 jyldyń qańtarynda Qazaqstannyń regbı federatsııasynyń prezıdenti qyzmetine taǵaıyndaldy.
2025 jyldyń aqpanynda Qazaqstan Respýblıkasy Prezıdentiniń ekonomıkalyq máseleler jónindegi kómekshisi qyzmetine taǵaıyndaldy.