«Atameken» UKP XII sezi: Bıznes ókilderin tolǵandyrǵan 204 másele Úkimetke joldanatyn boldy
ASTANA. KAZINFORM – Astanada «Atameken» QR Ulttyq kásipkerler palatasynyń XII Sezi ótti.
Ortalyq memlekettik organ vıtse-mınıstrleriniń, QMA, Antıkor, Bas Prokýratýranyń basshylyq quramdary jáne «QazAgroQarjy» AQ, «Báıterek» UBH AQ, «Samuryq-Qazyna» AQ jáne basqa da jetekshi damý ınstıtýttarynyń qatysýymen ótken sharaǵa elimizdiń túkpir-túkpirinen 360-tan astam delegat jáne 180-deı bıznes-qaýymdastyq jınaldy.
Sezde jáne sezd aldynda qatysýshylar otandyq kásipkerlerdiń aldynda turǵan ózekti máselelerdi talqylady.
Problemalardy anyqtaý jáne talqylaý maqsatynda uıymdastyrylǵan basqosýda retteý jáne salyq saıasaty, ónerkásipti damytý jáne ózge de sala máseleleri qamtyldy.
Sezd jumysyn ashqan «Atameken» UKP Tóralqa Tóraǵasy Raıymbek Batalov Palata bıznesti turaqty túrde qoldap kele jatqanyn jáne onyń damýyna qolaıly jaǵdaı jasaý baǵytynda jumys istep jatqanyn atap ótti.
«Bıznestiń júıelik máselelerin sheshý - «Atameken» UKP qyzmetiniń basym baǵyttarynyń biri. Biz bılikpen qoıan-qoltyq jumys istep, bıznes-klımatty jaqsartý boıynsha usynystar engizemiz. Bizdiń maqsatymyz – Qazaqstanda básekege qabiletti bıznes-ortany qurý», - dedi Raıymbek Batalov.
Raıymbek Batalov óz sózinde UKP-nyń ótken HІ Sezinde bıznes qaýymdastyq kótergen máseleler boıynsha atqarylǵan jumystar týraly esep berdi. Byltyr barlyǵy 100 másele aıtylyp, oǵan elimizdiń barlyq óńirlerinen kásipkerlik sýbektilerinen qosymsha 203 suraq qosyldy. Anyqtalǵan 303 máseleniń ishinde eń ózektisi aýyl sharýashylyǵy, óńdeý ónerkásibi, bilim berý, munaı-gaz sektory jáne memlekettik satyp alýlarǵa qatysty suraqtar. Osy problemalardyń eń kúrdelisi QR Úkimetiniń Apparatyna qaraýǵa jiberildi.
Bul kásipkerlik problemalardy sheshý boıynsha jumys júrgizilýde, biraq memlekettik organdardyń aıtarlyqtaı jedeldetý men belsendi qatysýyn talap etýin kórsetedi.
«Atameken» basqarma tóraǵasy atap ótkendeı, kásipkerlikti damytý zańnamany únemi jańartyp otyrýdy jáne ákimshilik kedergilerdi joıýdy talap etedi. Osy maqsatta sońǵy aılarda UKP salalyq komıtetter men múddeli memlekettik organdardyń birlesken otyrystaryn ótkizip, 169 jańa problemanyń tizbesin qalyptastyrýǵa yqpal etti. Sezge deıingi jıyn barysynda túrli salalar men óńirlerdegi kásipkerlerdi tolǵandyratyn ózekti máselelerge qatysty taǵy 35 suraq kóterildi.
Málimetterdi jedel jınaý arqyly aýyl sharýashylyǵy (39 suraq), logıstıka jáne kólik (31 suraq), óńdeý ónerkásibi (25 suraq), týrızm (19 suraq) jáne qurylys jáne sáýlet (20 suraq) sııaqty eń ózekti máseleler anyqtaldy.
Bıznes ókilderinen barlyǵy 204 problemalyq suraq jınaldy. Bul suraqtar óz sheshimin tabý úshin Úkimetke joldanatyn bolady.
Aıta keteıik, shara barysynda Raıymbek Batalov Qazaqstandaǵy bıznes-klımatty jaqsartý boıynsha bes basymdyqty usynǵan bolatyn. Olardyń qatarynda salyq zańnamasyn jeńildetý, shaǵyn jáne orta bıznesti (ShOB) qoldaý baǵdarlamasyn iske qosý, memlekettik satyp alýlardaǵy ashyqtyqty arttyrý, memleket pen bıznestiń belsendi ózara is-qımyly, bilim salasyna ınvestıtsııa salý bar.
Batalovtyń aıtýynsha, bul qadamdar bıznestiń turaqty damýyn qamtamasyz etip, Qazaqstannyń básekege qabiletti pozıtsııasyn nyǵaıtady.
Palatanyń 2023 jylǵa arnalǵan qyzmeti týraly jyldyq esep bekitilip, ol BAQ-ta jarııalanatyn bolady.
«Atameken» sezi – Palatanyń otandyq bıznes sektoryn qoldaýdaǵy turaqtylyǵyn jáne onyń qarqyndy damýy úshin memleketpen odan ári tyǵyz jumys isteýge daıyndyǵyn rastaıdy.
