«Atameken» UKP: SK-Farmatsııa uıymy 9 paıyz aqsha aınaldyrǵan
ASTANA. QazAqparat - Búgin Memlekettik qyzmet isteri jəne sybaılas jemqorlyqqa qarsy kúres agenttiginde elimizdegi densaýlyq saqtaý salasyndaǵy jemqorlyqqa qarsy kúres máseleleri talqylandy. Jıynda sóz alǵan «Atameken» Ulttyq kásipkerler palatasy tóraǵasynyń orynbasary Rýstam Júrsinov SK-Farmatsııa uıymyndaǵy zań buzýshylyqtarǵa toqtaldy, dep habarlaıdy QazAqparat.
"Densaýlyq saqtaý salasyndaǵy jemqorlyqty oılasaq, janymyzǵa batatyny "SK-Farmatsııa" jumysy. Bul məseleni talaı ret kóterdik, osydan tórt aı buryn jemqorlyqqa qarsy kúres keńesinde de aıtyldy. Biraq, ókinishke qaraı, jaǵdaı ózgerissiz qaldy. "SK-Farmatsııa" uıymy ne úshin qurylǵanyn eske túsireıik. Malaızııanyń təjirıbesine súıene otyryp quryldy. Uıymnyń aldynda negizgi tórt mindet turǵan edi. Sonyń birinshisi - bıýdjet qarajatyn únemdeý. Qaıdaǵy únemdeý? 2010 jyly 31,3 mlrd teńge, 2016 jyly 115 mlrd teńge jumsaǵan. Onyń ústine, bul jerde "SK-Farmatsııa" býfer retinde jumys istegen. Keshirińizder, biz tekserdik, uıymnyń monopolııa retinde tapqan paıdasy 26,7 mlrd teńgeni qurady. 1,3 mlrd kóleminde aıyppul tólegen. Ústinen 9 paıyz aqsha aınaldyrǵan. Kəsipkerlerdiń de qanshama aryzy bar. Ekinshi mindet -halyqaralyq standarttardy engizý. Elektrondy saýda qaıda? Qyzmetkerlerdi qaıta oqytý qaıda? ıAǵnı, bul biryńǵaı operator jumysynyń maqsatty ekenine kúmán bar»,-dedi Rýstam Júrsinov.
Esterińizge sala keteıik, buǵan deıin Memleket basshysy Nursultan Nazarbaev ta bul uıymnyń jumysyna kúmánmen qaraǵan edi. «Eldiń barlyq azamattary úshin mynany atap ótkim keledi. Memleket normatıvtik dári-dármektermen memleket esebinen tegin qamtamasyz etedi. Normatıvtik degenimiz ǵasyrlar boıy paıdalanylyp kele jatqan durys, tekserilgen dári-dármek degendi bildiredi. Olar bizde, kórshilerimizde shyǵarylady. Biraq, normatıvtik dári-dármektiń bolýyna qaramastan 4-5 ese qymbat batystyń dárisi satyp alynady»,- dedi Elbasy.
Osydan keıin Qazaqstan Prezıdenti «SK-Farmatsııa» kompanııasy qyzmetindegi kemshilikterge toqtaldy. Farmatsııa memleket aqsha berip, sol aqshany satyp alýlarǵa jumsaıtyn biryńǵaı dıstrıbıýtor. Bul mafııaǵa aınalǵan. Olar farmatsıevtıkalyq fabrıka salýǵa da múmkinshilik bermeıdi»,- degen edi Prezıdent Nursultan Nazarbaev Úkimettińkeńeıtilgen otyrysynda.
