«Atameken» UKP memlekettik qyzmetterdi básekelestik ortaǵa berý úshin naryqqa saraptama júrgizedi

ASTANA. QazAqparat - «Atameken» Ulttyq kásipkerler palatasy memlekettik qyzmetterdi básekelestik ortaǵa berý úshin naryqqa saraptama júrgizedi. Bul týraly búgin atalǵan palatanyń Normatıvtik-quqyqtyq aktiler saraptamalaryn úılestirý departamentiniń sarapshysy Aıjan Bıjanova málim etti.

Onyń atap ótýinshe, memlekettik organdar qyzmetteri básekelestik ortaǵa bir sátte berile salmaıdy. Ol básekelestik ortaǵa berýge bolatyn qyzmettiń daıyn bolýyna oraı júzege asyrylady.

«Buǵan qosa, qyzmetterdi berý kezeń-kezeńimen júzege asyrylatyndyǵyn da atap ótken oryndy. Biz barlyǵyda memlekettik qyzmetterdi berý 4 kezeńge qarastyrylyp otyrǵanyn estidi. Eń qıyny qyzmetterji túgendeýdegi memlekettik organdardyń jumysy bolmaq. Dál osy jumystardyń sapasyna oraı odan arǵy jumysty, naryqtyń daıyndyǵy jaıynda aıtýǵa bolady. Qazirgi ýaqytta bizderge saraptamalyq formalardy toltyrý usynylyp otyr. Ol naryqtyń daıyndyq saraptamasy dep atalady», - dedi ol.

Onyń aıtýynsha, kásipkerler tarabynan toltyrylatyn saraptamalyq forma qandaı memlekettik qyzmetti básekelestik ortaǵa berý kerektigin aıqyndaıdy.

«Naryqtyń daıyndyq saraptama qorytyndysy boıynsha biz istiń qazirgi jaı-kúıin anyqtaımyz. ıAǵnı, ókiletti organdardyń qyzmetti nelikten sapasyz nemese sapaly júzege asyratyndyǵyn bilemiz», - dedi A.Bıjanova.