«Atameken» UKP Gúljan Qaraqusovanyń synyna jaýap berdi
NUR-SULTAN. QazAqparat – «Atameken» QR Ulttyq kásipkerler palatasy basqarma tóraǵasynyń orynbasary Eldar Jumaǵazıev QR Parlamenti Májilisiniń depýtaty Gúljan Qaraqusovanyń synyna pikir bildirdi, dep habarlaıdy QazAqparat.
«Gúljan Janpeıisqyzy 2017 jyldan beri júzege asyrylyp kele jatqan «Bastaý» jobasyn aıtqan sııaqty. Onda jumyssyzdar men ózin-ózi jumyspen qamtyǵandar kásipkerlik negizderin úırenedi, bıznes-josparlar ázirleıdi. Odan keıin bıznes-josparlaryn komıssııa aldynda qorǵap, maquldanǵan jaǵdaıda jeńildetilgen nesıe (jylyna 6%) men grant ala alady. Baǵdarlama aıasynda 76 268 adamdy oqyttyq. 2019 jyldyń sońyna deıin taǵy 40 myń adam oqytylady. Baǵdarlamada bilim alýshylardyń 20% qarjylandyrý jóninde ındıkatıv bar. 4 qazandaǵy jaǵdaı boıynsha 20 298 adam nemese 26,6% óz kásibin bastady.
Olardyń 93% salyq tólep otyr. 2019 jyldyń alǵashqy jartysynda 620 mln teńge salyq tólengen. Olardyń jumyssyz adamdar bolǵanyn eskergen jón», - dep jazdy Eldar Jumaǵazıev Facebook-paraqshasynda.
Onyń aıtýynsha, qatysýshylar aktıvtiniń jalpy somasy (mıkronesıe kólemi) 35 mlrd teńgege jetken. Óndirilgen ónim men kórsetilgen qyzmet kólemi 50 mlrd teńgeni quraǵan.
«ıAǵnı qoldaý retinde berilgen árbir teńgege 1,8 teńgeden keledi. Jobalardyń negizgi bóligi agroónerkásiptik keshen salasynda júzege asqan. «Bastaýlyqtar» Qostanaı men Jambyl oblystarynda sút zaýyttarynyń, BQO-da konservi ónimderiniń negizgi jetkizýshileri atandy. Qazirgi ýaqytta qatysýshylarǵa TQO, sulýlyq salondary, qoǵamdyq tamaqtaný, tigin salalarynda bıznes ashýǵa kómek kórsetilýde», - dedi ol.
Sonymen birge, E. Jumaǵazıev joba boıynsha aldaǵy josparmen bólisti.
«Jyl sońyna deıin 40 myń jumys ornyn ashamyz. 2017-2019 jyldary oqýǵa bólingen 9,4 mlrd teńge ıgeriledi. Nátıjesinde bir jumys ornynyń quny 235 myń teńge bolady. Bul G. Qaraqusova kótergen baǵdarlamanyń tıimdiligin kórsetedi. Men onyń aýyldardaǵy jumyssyzdar taǵdyryna qyzyǵýshylyq tanytqanyna rahmet aıtamyn. Kún saıyn bul joba boıynsha 600 adam eńbektenedi. Árbir bıznes-joba tutas bir otbasynyń taǵdyryn sheshedi, sondyqtan biz óz jumysymyzǵa erekshe mán beremiz. Olardyń bárinen kásipker shyqpaıdy. Oqytý baǵdarlamasynyń sońyna tek myqtylar ǵana jetedi. Qarjylandyrý ala almaǵandardyń ózi jańa bilimmen qaıtady», - dedi ol.
Aıta keteıik, búgingi Májilis otyrysynda depýtat Gúljan Qaraqusova eldegi jumyspen qamtý baǵdarlamalaryn synǵa alǵan edi.
