«Atameken» palatasynyń fılıal dırektory nesıe alýǵa kómekteskeni úshin syılyq alyp otyrǵan

TALDYQORǴAN. Qarjylyq monıtorıng agenttigi «Atameken» UKP fılıalynda qyzmet babyn asyra paıdalaný faktisin anyqtady, dep habarlaıdy QazAqparat.

Qarjylyq monıtorıngi agenttiginiń Almaty oblysy boıynsha aýmaqtyq departamentinde «Bastaý Bıznes» memlekettik jobasy aıasynda isin jańa bastaǵan kásipkerlerge memlekettik nesıe alýǵa járdemdeskeni úshin «Atameken» UKP oblystyq fılıalynyń dırektoryna qatysty qylmystyq is tirkeldi.

Ol qyzmet babyn paıdalanyp, kásipkerlerden birneshe ret zańsyz 200 myń teńge aqshalaı syıaqy alǵan.

Atalǵan faktiler boıynsha Qazaqstan Respýblıkasy Qylmystyq kodeksiniń 253-babynyń 4-bóligi sotqa deıingi tergeý aıaqtalyp, prokýratýraǵa joldandy.