«Atameken» palatasy el ekonomıkasyn skrınıngten ótkizýdi usyndy

ASTANA. QazAqparat - Búginde bıznespen aınalysamyn deıtin azamattar naqty qaı salada jeke kásip ashýdy bilmeıdi. Osyǵan baılanysty «Atameken» ulttyq kásipkerler palatasy el ekonomıkasyn skrınıgten ótkizýdi usynyp otyr, dep habarlaıdy QazAqparat tilshisi.

«Otandyq ekonomıkaǵa skrınıng ótkizetin kez keldi. Sebebi jeke bıznesti ashqysy keletin adamdar kóp. Alaıda naqty qaı kásipke suranystyń baryn bilmeıdi. Sondyqtan árbir aımaqtyń ekonomıkalyq áleýetin tereń zerttep, naqty marketıngtik taldaýdy usyný qajet», - dedi «Atameken» UKP tóraǵasynyń orynbasary Tólemis Shotanov prezıdıýmnyń keńeıtilgen otyrysynda.

Budan bólek, kásipkerler memlekettik tapsyrys júıesin ózgertýdi usynyp otyr. Sebebi atalǵan salada ashyqtyq qaǵıdaty saqtalmaıdy.

«Memlekettik tapsyrys naqty suranysqa negizdelýi tıis. Al suranysty zertteýdiń nátıjesinde bilýge bolady. Sondaı-aq, bizdiń arnaıy reıtıngimizge súıený kerek», - dep atap kórsetti Shotanov.

Aıta keteıik, búgingi otyrys barysynda «Atameken» palatasy Úkimet basshysy Baqytjan Saǵyntaevqa qurylys salasyndaǵy dempıng máselesi boıynsha shaǵymdandy.