«Atameken» palatasynyń burynǵy basshysy Abylaı Myrzahmetov bostandyqqa shyqty
PAVLODAR. KAZINFORM - Abylaı Myrzahmetov sot úkimi negizinde qylmystyq-atqarý júıesi mekemesinde jazasyn ótep kelgen bolatyn. Keıinnen sot sheshimimen jazanyń ótelmegen bóligi bostandyqty shekteýge aýystyrylǵan.
Bul týraly Palvodar oblystyq qylmystyq-atqarý júıesi departamentinen habarlady.
- Bostandyqqa shyqqannan keıin sottalýshy probatsııa qyzmetiniń esebine qoıyldy. Ol sot sheshiminen týyndaıtyn barlyq shekteýlerdi, mindetter men talaptardy, sonyń ishinde Qazaqstan Respýblıkasynyń sheginen tys jerlerge shyǵýǵa tyıym salýdy saqtaýǵa mindetti, - dep málimdedi departamentten.
Probatsııa qyzmetkerleri oǵan júktelgen atalǵan mindetter men shekteýlerdiń saqtalýyn úzdiksiz qadaǵalap, turaqty tekserýler men ózge de baqylaý sharalaryn júrgizedi.
Eske sala keteıik, 13,9 mlrd jymqyrǵan Abylaı Myrzahmetov 2024 jyly 5 jylǵa bas bostandyǵynan aıryldy.
Byltyr mamyr aıynda ol ózin shartty túrde merziminen buryn bosatýdy suraǵanyn jazǵan edik.
