«Atameken» Odaǵy» Ulttyq kásipkerler palatasyna qosyldy

ASTANA. QazAqparat - Astanada elimizdiń ár túpkirinen 150-den astam delegattyń qatysýymen ótken «Atameken» Odaǵy» Qazaqstannyń ulttyq ekonomıkalyq palatasynyń sezinde «Atameken» Odaǵy» QUEP músheleri QR Ulttyq kásipkerler palatasyna qosylý týraly sheshimdi biraýyzdan qabyldady. Oǵan qosa, UKP tarapynan Ulttyq kásipkerler palatasynyń ataýyn «Atameken» Ulttyq kásipkerler palatasy ataýyna aýystyrý týraly usynys jasalyndy.

Bul týraly QR Ulttyq kásipkerler palatasynyń baspasóz qyzmetinen habarlady. «Atameken» Odaǵy» QUEP Tóralqa Tóraǵasy Tımýr Qulybaev Ulttyq kásipkerler palatasynyń qurylymy men qyzmetinde «Atameken» tarapynan júrgizilgen jumystardy odan ári jalǵastyratynyn atap ótti. «Ulttyq kásipkerler palatasy men Óńirlik palatalardyń negizgi quramy «Atameken» Odaǵynyń sarapshylarynan quraldy. Óńirlik deńgeılerde de jumys sabaqtastyǵy saqtalǵan, atap aıtqanda «Atameken» fılıaldarynyń 8 dırektory Óńirlik palata dırektsııalaryn basqarýda. Ulttyq kásipkerler palatasynda akkredıttelgen bıznes-qaýymdastyqtardyń basym bóligi «Atameken» Odaǵy músheleri», - dedi Tımýr Qulybaev.