«Atameken» odaǵy» Ulttyq ekonomıkalyq palatasy Kedendik odaq jaǵdaıynda kórsetip otyrǵan qoldaýlary úshin memlekettik organdarǵa alǵys bildirdi
ASTANA. Sáýirdiń 21-i. QazAqparat /Muratbek Maqulbekov/ - Qazaqstannyń «Atameken» odaǵy» Ulttyq ekonomıkalyq palatasy men erkin rejımde jumys isteýshi kásiporyndar bıznestiń ózekti máselelerine túsinistikpen qaraǵandary úshin jáne kórsetip otyrǵan qoldaýlary úshin memlekettik organdarǵa alǵys bildiredi. Bul týraly Palatanyń baspasóz qyzmetinen habarlady.
«Atameken» odaǵy» Ulttyq ekonomıkalyq palatasy Keden odaǵy aıasynda erkin rejım úshin salyqtyq jeńildikterdi saqtap qalý máselesi boıynsha memlekettik organdarmen ózara túsinistikke qol jetkizdi. Atalmysh rejım kezinde Qazaqstanǵa ekonomıkanyń tehnologııalar sektorlarynda - mashına jasaý, elektrotehnıkalyq ónerkásipterinde, t.b. salalarda birqatar óndirister qurýǵa múmkindik bergen edi. Biraq, qazaqstandyq kásiporyndardyń derekteri boıynsha, Keden odaǵy qurylǵannan keıin, reseılik jáne belarýstyq áriptester atalmysh formatty taratý máselesin kóterip, birqatar jetekshi otandyq kompanııalardyń jumysyna salmaq tóngen edi»,- dep atap kórsetiledi baspasóz baıanynda. Qazaqstannyń «Atameken» odaǵy Ulttyq ekonomıkalyq palatasynan kómek suraǵan kásipkerler, osy máselege arnalǵan kelissózderdegi qazaqstandyq taraptyń ustanymyna alańdaýshylyq bildirip bolatyn. Osyǵan oraı, «Atameken» tóraǵasy Azat Perýashev atalmysh problemany Elbasynyń qatysýymen ótken kásipkerler keńesiniń májilisinde, sondaı-aq Úkimetke hattarda kóterdi. Atap aıtqanda, A.Perýashev erkin kedendik rejımin jáne Keden odaǵy naryǵynda óńdeýshi kásiporyndardy qoldaýdyń mańyzdy tetigi retinde qosymsha qun salyǵy boıynsha tıisti jeńildikterdi saqtaýdyń tıimdi formatyn jasaýdy usyndy.
Jaqynda Qarjy mınıstrliginen alynǵan jaýapta, zańnamaǵa keden qoımasy rejımi úshin tıisti salyqtyq jeńildikterdi saqtaýǵa múmkindik beretin túzetýler ázirlengeni habarlanyp otyr.
