«Atameken» murajaıy álem murajaılarymen beınebaılanysqa shyǵady

Bıyl «Atameken» kesheni álem boıynsha ótip jatqan «Murajaıdaǵy tún» aktsııasyna qatysyp otyr. Sol sebepti Halyqaralyq murajaılar kúnine arnalǵan merekelik is-sharalar tań atqansha jalǵasady. Barlyq resmı sharalar túske deıin aıaqtaldy. Ol kezde «Qazaqstan. Myńjyldyqtar toǵysynda» dıorama pavılony ashylyp, «Patrıottar klýbynyń» kezekti jazǵy maýsymy saltanatty túrde bastaldy. «Atameken» kesheniniń basshylyǵy bıyl «Patrıottar klýbyna» jańa ǵımarat salyp berdi. Onyń ishinde kitaphana, kompıýterler, jastardyń jınalyp, ózara pikir almasýlaryna qajetti barlyq jaǵdaılar jasalǵan. Jańa ǵımarattyń ashylýyna oraı, klýbqa múshe mektep oqýshylary onyń aldyna tal egip, bir-birin qutty qonyspen quttyqtady. Endi, baǵdarlamaǵa sáıkes, «Murajaı - meniń álemim!» taqyrybyndaǵy asfalt sýretteri baıqaýynyń qorytyndysy jarııalanyp, úzdik kıim úlgisine arnaıy konkýrs uıymdastyrý josparlanyp otyr. Al keshqurym «Sheksiz murajaı» beınekonferentsııasy aıasynda «Atameken» kesheni Reseı, Belarýs, Túrikmenstan, Ýkraına, Ázirbaıjan, Tájikstan, Majarstan jáneTúrkııa murajaılarymen on-laın baılanysqa shyǵady. Osydan keıin fotosýret kórmesi jáne tarıhı taqyrypqa arnalǵan úzdik teatr kórinisteriniń konkýrsy ótedi. Túnge taman «Qara jorǵa» bıi oryndalyp, onyń sońy Qazaqstan juldyzdarynyń qatysýymen ótetin merekelik kontsertke ulasady.